ନୂଆଦିଲ୍ଲୀ : ସରକାରୀ ହସ୍ପିଟାଲ୍ଗୁଡ଼ିକରେ ଡାକ୍ତରମାନଙ୍କୁ ସୁରକ୍ଷା ଦେବା ସଂକ୍ରାନ୍ତ ଆବେଦନର ଶୁଣାଣିକୁ ସୁପ୍ରିମକୋର୍ଟ ମଙ୍ଗଳବାର ସ୍ଥଗିତ ରଖିଛନ୍ତି। ଜଷ୍ଟିସ ଦୀପକ ଗୁପ୍ତା ଓ ସୂର୍ଯ୍ୟ କାନ୍ତଙ୍କ ଖଣ୍ଡପୀଠ କହିଛନ୍ତି, ପଶ୍ଚିମବଙ୍ଗ ଓ ଅନ୍ୟାନ୍ୟ ରାଜ୍ୟଗୁଡ଼ିକରେ ଡାକ୍ତରମାନେ ସେମାନଙ୍କର ଧର୍ମଘଟ ପ୍ରତ୍ୟାହାର କରି ନେଇଥିବାରୁ ଏହି ଆବେଦନର ଜରୁରୀକାଳୀନ ଶୁଣାଣି କରିବାର କୌଣସି ଆବଶ୍ୟକତା ନାହିଁ।
ଖଣ୍ଡପୀଠ କହିଛନ୍ତି, କୋର୍ଟ କେନ୍ଦ୍ର ସରକାରଙ୍କୁ ନୋଟିସ୍ ଜାରି କରିବେ ନାହିଁ; କିନ୍ତୁ ଡାକ୍ତରମାନଙ୍କ ସୁରକ୍ଷା ବିଷୟ ଉପରେ ବିଚାର କରାଯିବ। ଇତିମଧ୍ୟରେ ଭାରତୀୟ ଚିକତ୍ସକ ସଂଘ, ପୂର୍ବରୁ କରାଯାଇଥିବା ଆବେଦନରେ କୋର୍ଟଙ୍କ ହସ୍ତକ୍ଷେପ ଲୋଡ଼ି ଆଉ ଏକ ଆବେଦନ କରିଛି ।
ସଂଘ କହିଛି, ଦେଶବ୍ୟାପୀ ଡାକ୍ତରମାନଙ୍କୁ ସୁରକ୍ଷା ଦିଆଯିବା ଅପରିହାର୍ଯ୍ୟ ହୋଇପଡିଛି।
