ତ୍ବଚା ଏବଂ କେଶ ପାଇଁ କାହିଁ କେଉଁ କାଳରୁ ଅଁଳାର ବ୍ୟବହାର କରାଯାଉଛି । ଅଁଳାରେ ପୋଷକ ତତ୍ତ୍ବ ଭରପୁର ମାତ୍ରରେ ରହିଥାଏ । ତ୍ବଚା ଓ କେଶ ଉଭୟ ପାଇଁ ଏହା ଲାଭଦାୟକ ହୋଇଥାଏ । ନିୟମିତ ଅଁଳା ଜୁସ୍ ସେବନ କରିବା ଦ୍ବାରା ତ୍ବଚାର ଚମକ ବୃଦ୍ଧି ହୋଇଥାଏ ।
ଯଦି ଆପଣଙ୍କୁ ଅଁଳା ଜୁସ ପିଇବାକୁ ଭଲ ଲାଗୁନି ବା କଷା ଲାଗୁଛି ତେବେ ଏଥିରେ ଆପଣ ଏକ ଚାମଚ ମହୁ ମିଶାଇ ପିଇ ପାରିବେ । ମହୁ ମଧ୍ୟ ଶରୀର ପାଇଁ ଲାଭଦାୟକ ହୋଇଥାଏ । ଏଥିରେ ଆଣ୍ଟି-ଅକ୍ସିଡେଣ୍ଟ ଭରପୁର ମାତ୍ରାରେ ରହିଥାଏ । ତେବେ ଆସନ୍ତୁ ଜାଣିବା ଏହି ଜୁସ୍ ପ୍ରସ୍ତୁତ କରିବାର ଉପାୟ ।
- Advertisement -
ସାମଗ୍ରୀ : ୫ରୁ ୭ଟି ଅଁଳା, ଅବଶ୍ୟକୀୟ ଅନୁଯାୟୀ ପାଣି, ଏକ ଛୋଟ ଚାମଚ ମହୁ
ପ୍ରସ୍ତୁତ ପ୍ରଣାଳୀ : ପ୍ରଥମେ ଅଁଳାକୁ ଭଲ ଭାବରେ ଧୋଇ କାଟି ଦିଅନ୍ତୁ । ପାଣି ସହ ଅଁଳାକୁ ଭଲ ଭାବରେ ପେଷି ଦିଅନ୍ତୁ । ଧ୍ୟାନ ରଖନ୍ତୁ ଏହି ମିଶ୍ରଣ ବେଶି ମୋଟା ନହୁଏ, ଜୁସ ଭଳି ପତଳା ହେବା ଆବଶ୍ୟକ । ପ୍ରସ୍ତୁତ ହୋଇଗଲା ଅଁଳା ଜୁସ୍ । ଏବେ ଏଥିରେ ଏକ ଚାମଚ ମହୁ ମିଶାଇ ପିଅନ୍ତୁ ।
