ବାଲେଶ୍ବର : ପୁଲିସ ପିଛା କରିବାରୁ ଅଧାବାଟରୁ ବର ଛୁ ମାରିଲା। ଏହା ଫଳରେ ବାହାଘର ଅଧାରେ ଅଟକି ରହିଥିଲା। ଏପରି ଘଟଣା ବାଲେଶ୍ବର ଜିଲା ସୋର ଅଞ୍ଚଳରେ ଘଟିଛି। ଭଦ୍ରକ ଜିଲା ବାସୁଦେବପୁର ଥାନା ଜଗନ୍ନାଥପୁର ଗ୍ରାମର ଜିତେନ୍ଦ୍ର ନାୟକ ସୋର ଅଞ୍ଚଳର ଯୁବତୀଙ୍କୁ ବିବାହ କରିବା ପାଇଁ ଖୁବ ଆଡମ୍ବରରେ ଯାଉଥିଲେ। ସେହି ସମୟରେ ପୁଲିସ ତାଙ୍କୁ ପିଛା କରିବା ଯୋଗୁଁ ସେ କାରରୁ ଡେଇଁ ପଳାଇଥିଲେ।
ସୂଚନାଯୋଗ୍ୟ ଯେ, ଜିତେନ୍ଦ୍ର ଅନ୍ୟ ଜଣେ ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ତାଙ୍କ ସହ ଖରାପ ସମ୍ପର୍କ ରଖିଥିଲେ। ଯୁବତୀ ଜଣକ ଏନେଇ ଥାନାରେ ଅଭିଯୋଗ କରିଥିଲେ। ଯୁବତୀଙ୍କ ଅଭିଯୋଗ ଆଧାରରେ ପୁଲିସ ତାଙ୍କୁ ଧରିବାକୁ ଚେଷ୍ଟା କରିଥିଲା।
