ସମାଜ ଡିଜିଟାଲ ଡେସ୍କ: ପୁଲିସ ଏସଆଇ ପରୀକ୍ଷା ଜାଲିଆତି ମାମଲାରେ ଦୁଇ ଜଣଙ୍କର ହେବ ପଲିଗ୍ରାଫ୍ ଟେଷ୍ଟ । ମାଷ୍ଟର ମାଇଣ୍ଡ ଶଙ୍କର ପୃଷ୍ଟି ଓ ସୁରେଶର ପଲିଗ୍ରାଫ ଟେଷ୍ଟ ହେବ ବୋଲି ସୂଚନା ମିଳିଛି । ପୁଲିସ ଜେରା ବେଳେ କେତେ ସତ ଓ କେତେ ମିଛ କହିଛନ୍ତି ତାହା ଏହା ପରେ ଜଣାପଡିବ । ପଲିଗ୍ରାଫ ଟେଷ୍ଟ କରିବାକୁ କ୍ରାଇମବ୍ରାଞ୍ଚ ପୁଲିସ ବ୍ରହ୍ମପୁର ଜେଏମଏଫସି ଗ୍ରାମୀଣ କୋର୍ଟରେ ଆବେଦନ କରିଛନ୍ତି । ଆଜି ଏହାର ଶୁଣାଣି ହେବ ।
ଏସଆଇ ପରୀକ୍ଷା ଅନିୟମିତତା ମାମଲାରେ ଗିରଫ ହୋଇଥିବା ମାଷ୍ଟରମାଇଣ୍ଡ ଶଙ୍କର ପୃଷ୍ଟଇ ଓ ସିଲିକନ୍ ଟେକ୍ ଲାବ ସଂସ୍ଥର ମୁଖ୍ୟ ସୁରେଶ ଚନ୍ଦ୍ର ନାୟକର ପଲିଗ୍ରାଫ୍ ଟେଷ୍ଟ କରିବ କ୍ରାଇମବ୍ରାଞ୍ଚ । କୋର୍ଟଙ୍କ ଅନୁମତି ମିଳିବା ପରେ ଉଭୟଙ୍କର ଏହି ପରୀକ୍ଷା କରାଯିବ ।
