କଟକ : ଜଣେ ବିବାହିତl ମହିଳାଙ୍କ ନଗ୍ନ ଭିଡିଓ ଭାଇରାଲ୍ କରିବା ଘଟଣାରେ ସୋମବାର ଜଣେ ଯୁବକକୁ ଗିରଫ କରିଛି ପୁରୀଘାଟ ଥାନା ପୁଲିସ l ଅଭିଯୁକ୍ତଜଣକ ହେଲା ସ୍ଥାନୀୟ ରାଉସପାଟଣାର ବିଶ୍ବନାଥ ସ୍ବାଇଁ(୨୮)। କୋର୍ଟଚାଲାଣ ପରେ ତାକୁ ଜେଲ ହାଜତକୁ ପଠାଇ ଦିଆଯାଇଥିବା ଥାନା ଅଧିକାରୀ ବିଶ୍ଵରଞ୍ଜନ ନାୟକ ସୂଚନା ଦେଇଛନ୍ତି l
ମିଳିଥିବା ସୂଚନା ଅନୁଯାୟୀ ରାଉସାପାଟଣାରେ ଜଣେ ମହିଳା ଗାଧୋଉଥିବା ସମୟରେ ତାଙ୍କ ନଗ୍ନ ଭିଡିଓ ବିଶ୍ବନାଥ ତା’ର ମୋବାଇଲରେ ରେକର୍ଡ କରିନେଇଥିଲେ। ପରେ ସେହି ଭିଡିଓକୁ ତା’ର ସାଙ୍ଗସାଥୀମାନଙ୍କୁ ପଠାଇ ଭାଇରାଲ କରିଥିଲା l ଏହି ବିଷୟ ସମ୍ପର୍କରେ ପୀଡ଼ିତାଜଣକ ଜାଣିବା ପରେ ଥାନାରେ ଲିଖିତ ଏତଲା ଦେଇଥିଲେ l ଏହି ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ଘଟଣାର ତଦନ୍ତ ଚଳାଇବା ସହିତ ଆଜି ଅଭିଯୁକ୍ତ ବିଶ୍ବନାଥଙ୍କୁ ଗିରଫ କରିଛି l
