ଆଡିଲେଡ: ଅଷ୍ଟ୍ରେଲିଆର ଆଡିଲେଡ ଷ୍ଟାଡିୟମରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଖେଳାଯାଉଛି । ଭାରତ ପ୍ରଥମେ ବ୍ୟାଟିଂ କରି ଘରୋଇ ଦଳକୁ ୨୬୫ରନର ଟାର୍ଗେଟ ଦେଇଛନ୍ତି । ଟସ୍ ହାରି ଅଷ୍ଟ୍ରେଲିଆର ନମନ୍ତ୍ରଣ କ୍ରମେ ପ୍ରଥମେ ବ୍ୟାଟିଂ କରିଥିଲା ଭାରତ । ପ୍ରାରମ୍ଭିକ ଦୁଇ ୱିକେଟ ହରାଇବା ପରେ ସଂଘର୍ଷ କରି ମ୍ୟାଚକୁ ସ୍ଥିତିକୁ ଆଣିଥିଲେ ରୋହିତ ଶର୍ମା ଓ ଶ୍ରେୟସ ଆୟର । ନିର୍ଦ୍ଧାରିତ ୫୦ଓଭରରେ ୯ୱିକେଟ ହରାଇ ୨୬୪ରନ ସଂଗ୍ରହ କରିଛି ଭାରତ । ରୋହିତ ଓ ଆୟର ଅର୍ଦ୍ଧଶତକୀୟ ଇନିଂସ ଖେଳିଥିଲେ ।
ଦିନିକିଆରେ ବାରମ୍ବାର ଟସ୍ ହାରିବା ସହ ଆଡିଲେଡରେ ମଧ୍ୟ ଟସ୍ ହାରିଥିଲା ଭାରତ । ଓପନିଂ କରିବାକୁ ଆସିଥିଲେ ରୋହିତ ଓ ଗିଲ୍ । ମାତ୍ର କଙ୍ଗାରୁ ଦଳର ଘାତକ ବୋଲିଂରେ ୬ତମ ଓଭରରେ ଆଉଟ ହୋଇଥିଲେ କ୍ୟାପଟେନ ଗିଲ୍ । ମାତ ୯ରନ କରି ପାଭିଲିୟନ ଫେରିଥିଲେ ଗିଲ୍ । ଏହାପରେ ବିରାଟ ମଧ୍ୟ ଶୂନ୍ୟ କରି ଆଉଟ୍ ହୋଇଥିଲେ । ପରେ ସ୍ଥିତି ସମ୍ଭାଳିଥିଲେ ରୋହିତ ଓ ଆୟର । ରୋହିତଙ୍କ ସହ ମିଶ ଶତକୀୟ ପାର୍ଟନରସିପ୍ ଖେଳିଥିଲେ ଶ୍ରେୟସ୍ । ଚାମ୍ପିଅନ୍ସ ଟ୍ରଫି ପରେ ଅଷ୍ଟ୍ରେଲିଆରେ ଆଜି ପ୍ରଥମ ଅର୍ଦ୍ଧଶତକ ମାରିଥିଲେ ରୋହିତ । ସେ ୯୭ଟି ବଲରେ ୭୪ରନ କରି ଆଉଟ ହୋଇଥିଲେ ।
