ସମାଜ ଡିଜିଟାଲ ଡେସ୍କ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତିକି ମ୍ୟାଚ୍ ବିଶିଷ୍ଟ ଏକ ଦିବସୀୟ ସିରିଜର ଦ୍ୱିତୀୟ ମ୍ୟାଚ୍ ଆଜି ଆଡିଲେଡରେ ଖେଳାଯାଉଛି । ଟିମ୍ ଇଣ୍ଡିଆର ଅଧିନାୟକ ଶୁଭମନ ଗିଲ୍ଙ୍କ ନେତୃତ୍ୱରେ ମେନ୍ ଇନ୍ ବ୍ଲ୍ୟୁ ଟିମ୍ ଖେଳୁଛି । ଟସ୍ ଜିତି ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଛି ଘରୋଇ କଙ୍ଗାରୁ ଦଳ । ପ୍ରଥମେ ବ୍ୟାଟିଂ କରୁଥିବା ଭାରତ ୨ ୱିକେଟ ହରାଇ ୪୨ରନ କରିଛି । ଆଡିଲେଡରେ ପୂର୍ବରୁ ରେକର୍ଡ କରିଥିବା ବିରାଟ ଆଜି ଶୂନ୍ୟରେ ଆଉଟ ହୋଇଛନ୍ତି ।
ସେପଟେ ପୁଣି ଥରେ ଏକଦିବସୀୟ ମ୍ୟାଚରେ ଟସ୍ ହାରିଛି ଭାରତ । ଭାରତୀୟ ଅଧିନାୟକ ଦିନିକିଆରେ ପରିବର୍ତ୍ତନ ହୋଇଛି, କିନ୍ତୁ ଟସ୍ ସମ୍ପର୍କରେ ଭାରତର ଭାଗ୍ୟ ବଦଳି ନାହିଁ । ଭାରତୀୟ ଅଧିନାୟକ ଶୁଭମନ୍ ଗିଲ୍ ପର୍ଥରେ ଟସ୍ ହାରିଥିଲେ, ଆଜି ଆଡିଲେଡରେ ମଧ୍ୟ ଟସ୍ ହାରିଛନ୍ତି ।
ପର୍ଥ ପରାଜୟ ପରେ ଏବେ ଭାରତ ପାଇଁ ଆଜିର ମ୍ୟାଚ କର ବା ମର ସ୍ଥିତି ହୋଇଛି । ମ୍ୟାଚ ହାରିଲେ ସିରିଜ ହାରିବ ଭାରତ । ବର୍ଷା ପ୍ରଭାବିତ ପ୍ରଥମ ଦିନିକିଆରେ ଜିତି ସିରିଜରେ ୧-୦ରେ ଆଗୁଆ ରିହିଛି କଙ୍ଗାରୁ ଦଳ ।
