ସମ୍ବଲପୁର : ସମ୍ବଲପୁରର ଧନକଉଡା ନିବାସୀ ବିନୋଦ ବାଦୀ (୨୮) ଓ ସିଟି ଷ୍ଟେସନ ନିବାସୀ ବିନୋଦ ଟପ୍ନୋ (୩୨) ନାମକ ୨
ଜଣଙ୍କୁ ବେଆଇନ ଭାବରେ ବ୍ରାଉନସୁଗାର ଚାଲାଣ ଅଭିଯୋଗରେ ଧନୁପାଲି ପୁଲିସ ଗିରଫ କରିଛି । ବ୍ରାଉନସୁଗାର ଚାଲାଣର
ଖବର ପାଇ କୁମ୍ଭାରପଡା ଅଞ୍ଚଳରେ ପୁଲିସ ଚଢ଼ଉ କରିଥିଲା ।
ଚଢ଼ଉ ସମୟରେ ଉଭୟ ଯୁବକ ମାନେ ବେଆଇନ ଭାବରେ
ବ୍ରାଉନସୁଗାର ଚାଲାଣ କରିବା ସହିତ ବିକ୍ରି କରିବାର ଉଦ୍ୟମ କରୁଥିବା ବେଳେ ପୁଲିସ ସେମାନଙ୍କୁ ମାଡି ବସିଥିଲା । ଯାଞ୍ଚ ସମୟରେ
ପୁଲିସ ଉଭୟ ଯୁବକଙ୍କ ନିକଟରୁ ୧୪.୫୧ ଗ୍ରାମର ବ୍ରାଉନସୁଗାର, ୨ଟି ମୋବାଇଲ, ନଗଦ ୧୭୫୦ ଟଙ୍କା ଓ ଗୋଟିଏ ଦାମୀକିଆ
ଫଟୋ କ୍ୟାମେରା ଜବତ କରିଥିଲା । ଏଣୁ ଏକ ମାମଲା ଧନୁପାଲି ଥାନାରେ ରୁଜୁ କରି ପୁଲିସ ଉଭୟଙ୍କୁ ଗିରଫ କରି ଅଦାଲତକୁ
ଚାଲାଣ କରିଛି ।
