ଟିଟଲାଗଡ : ସାବଧାନ୍ ! ବନ୍ୟା ପାଣିରେ ବୁଲୁଛି କୁମ୍ଭୀର। ବଲାଙ୍ଗୀର ଜିଲ୍ଲା ଟିଟଲାଗଡ ଉନ୍ଦେର ନଦୀରେ କୁମ୍ଭୀର ବୁଲୁଥିବା ଦେଖିବାକୁ ମିଳିଛି। ସୁଗନାଭଟା ଏବଂ ସିଲୁଆ ଗାଁ ମଝି ନିକଟ ନଦୀକୂଳରେ ଦୁଇଟି କୁମ୍ଭୀର ବୁଲୁଛନ୍ତି। ସକାଳୁ ସକାଳୁ ସ୍ଥାନୀୟ ଲୋକେ ଗାଧୋଇବାକୁ ଯାଉଥିବାବେଳେ କୁମ୍ଭୀର ଦେଖିବାକୁ ପାଇଥିଲେ। ଯାହାକୁ ନେଇ ଗାଁରେ ଆତଙ୍କ ଖେଳିଯାଇଥିବାବେଳେ ନଦୀକୁ କେହି ନ ଯିବାକୁ ବନ ବିଭାଗ ପରାମର୍ଶ ଦିଆଯାଇଛି। ବନ ବିଭାଗ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି।
ସୂଚନା ଅନୁଯାୟୀ ଗତ କିଛି ଦିନ ହେଲା ରାଜ୍ୟରେ ଲଗାଣ ବର୍ଷା ନେଇ ନଦୀ ଗୁଡିକରେ ବନ୍ୟା ପାଣି ପ୍ରବାହିତ ହେଉଛି। ଏହି ବନ୍ୟା ପାଣିରେ କୌଣସି ଆଡୁ କୁମ୍ଭୀର ଚାଲିଆସିଥିବା ଜଣାପଡିଛି। ଟିଟିଲାଗଡ଼ ବ୍ଲକ ଉପାଧ୍ୟକ୍ଷ ଜଗତରାମ ରଣା ନିଜ ଆଖିରେ କୁମ୍ଭୀର ଦେଖିଥିବା କଥା କହିଛନ୍ତି।
