କାମାକ୍ଷାନଗର: କାମାକ୍ଷାନଗର ଉପଖଣ୍ଡ ଚିକିତ୍ସାଳୟରେ ପରିଚାଳନା ଗତ ଅବ୍ୟବସ୍ଥା ନେଇ ସାଧାରଣରେ ଅସନ୍ତୋଷ ପ୍ରକାଶ ପାଉଛି। ଉପଖଣ୍ଡ ଚିକିତ୍ସାଳୟରେ ୩୩ ଜଣ ଡାକ୍ତର ପଦବୀ ରହିଥିବାବେଳେ ମାତ୍ର ୬ ଜଣ ଡାକ୍ତର ରହିଛନ୍ତି। ଦାୟିତ୍ୱରେ ରହିଥିବା ମୁଖ୍ୟ ପରିଚାଳକ ଡାକ୍ତର ଜଣଙ୍କ ୨୦୦୨ ମସିହାରୁ କାମାକ୍ଷାନଗର ରେ ଅବସ୍ଥାପିତ ହୋଇ ୨୦୧୮ ମସିହାରେ ପଦୋନ୍ନତି ପାଇ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ କିଛି ବର୍ଷ ରହି ପୁନଶ୍ଚ କାମାକ୍ଷାନଗର ଉପଖଣ୍ଡ ଦାୟିତ୍ୱ ଗତ ୨୦୨୩ ମସିହା ଜୁଲାଇ ମାସ ରୁ ନେଇଛନ୍ତି। ଡାକ୍ତର ଜଣଙ୍କ ଆସିବା ଦିନଠାରୁ ଚିକିତ୍ସାଳୟରେ ଥିବା କେତେକ ଡାକ୍ତରଙ୍କୁ ନିଜକୁ ସୁହାଇବା ଭଳି କାର୍ଯ୍ୟ କରିବାକୁ ନିର୍ଦେଶ ଦେବା ସହିତ ନିଜେ ନିଜ ସରକାରୀ ବାସଭବନରେ କାର୍ଯ୍ୟାଳୟ ସମୟରେ ରୋଗୀ ଦେଖନ୍ତି । ଦାୟିତ୍ୱରେ ଥିବା ସୁରକ୍ଷା କର୍ମଚାରୀଙ୍କ ଦ୍ୱାରା ଚିକିତ୍ସାଳୟକୁ ଆସୁଥିବା ରୋଗୀମାନଙ୍କୁ ଘରକୁ ଆଣି ଦେଖିବା ଏବଂ ତାଙ୍କ ଠାରୁ ୩୦୦ରୁ ୪ ଶହ ପର୍ଯ୍ୟନ୍ତ ଫିସ ନେବା ପରେ ନିଜ ପରିଚାଳନାରେ ଥିବା ପାଥୋଲାବରେ ପରୀକ୍ଷା କରିଥାନ୍ତି। ପୁଣି ଔଷଧ କମ୍ପାନୀ ଠାରୁ ପ୍ରାପ୍ତ ଔଷଧକୁ ରୋଗୀମାନଙ୍କୁ ପ୍ରଦାନ କରୁ ଥିବାର ମଧ୍ୟ ଅଭିଯୋଗ ହେଉଛି । ଏତଦ ବ୍ୟତୀତ ଜଣେ ମହିଳା ସୁରକ୍ଷା କର୍ମୀ ନିୟୋଜିତ କରିଥିବା ବେଳେ କର୍ମୀ ଜଣଙ୍କ ତାଙ୍କର କର୍ତ୍ତବ୍ୟ ସଠିକ ଭାବେ ସମ୍ପାଦନା କରୁ ନଥିବା ରୁ ଅନ୍ୟ ସୁରକ୍ଷା କର୍ମୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।
Popular Categories
Previous article
Next article