କୋରାପୁଟ/ : ଦୁର୍ଦ୍ଦାନ୍ତ ମାଓବାଦୀ ଧନଞ୍ଜୟ ଗୋପେ ଓରଫ ସୁଧୀର ରବିବାର ଆତ୍ମସମର୍ପଣ କରିଛି। ଦକ୍ଷିଣ ପଶ୍ଚିମାଞ୍ଚଳ ଡିଆଜି ହିମାଂଶୁ ଲାଲଙ୍କ କୋରାପୁଟ କାର୍ଯ୍ୟାଳୟରେ ସୁଧୀର ଆତ୍ମସମର୍ପଣ କରିଛି । ସେ ଆନ୍ଧ୍ର-ଓଡ଼ିଶା ବର୍ଡର ଜୋନ୍ ଗୁମ୍ମା ଏରିଆ କମିଟିର ମୁଖ୍ୟ ଭାବେ କାର୍ଯ୍ୟ କରୁଥିଲା।
ମାଲକାନଗିରି ଜିଲ୍ଲା କାଲିମେଳା ଥାନା ଏମଭିପି-୩୧ ଗ୍ରାମର ସୁଧୀର(୨୭) ୨୦୦୯ରେ କାଲିମେଳା ଦଳମ୍ ରେ ଯୋଗ ଦେଇଥିଲା । ସୁଧୀର ନାମରେ ୨୭ରୁ ଅଧିକ ମାମଲା ରହିଛି । ତାକୁ ଧରାଇ ଦେବା ପାଇଁ ରାଜ୍ୟ ସରକାରଙ୍କ ପକ୍ଷରୁ ୫ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା।
