ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ବ୍ଲକ ରେ ବର୍ତ୍ତମାନ ବିଭିନ୍ନ ବେଶଧାରୀ ଚୋର ବୁଲୁଛନ୍ତି । କିଏ ଭିକାରୀ ବେଶରେ ତ ଆଉ କିଏ ଅଫିସର ଭଳି ବେଶ ପୋଷାକ ପରିଧାନ କରି ବଡ ସହଜ ରେ ଚୋରି କରି ଚମ୍ପଟ ମାରୁଛନ୍ତି । ଆଗରୁ ଚୋର ମାନେ ରାତି ଅଧରେ ଘରେ ପଶି ଚୋରି କରୁଥିଲେ । କିନ୍ତୁ ବର୍ତ୍ତମାନ ଦେଖାଯାଉଛି ଜନଗହଳି ପୂର୍ଣ୍ଣ ଏପରିକି ସି ସି ଟିଭି କ୍ୟାମେରା ଲାଗିଥିବା ଥିବା ସତ୍ତ୍ବେ ଦିନ ଦ୍ୱିପହର ରେ ଆସି ଚୋରି କରୁଛନ୍ତି । ଏଭଳି କିଛି ଘଟଣା ଦେଖିବାକ ମିଳିଛି ଅତାବିରା ଜାତୀୟ ରାଜପଥ କଡ଼ରେ ଥିବା ସଂଜୀବନୀ ମେଡିକଲରେ। ଏହି ମେଡିକାଲରେ କାମ କରୁଥିବା ଜଣେ ମହିଳା ଗତକାଲି କାଉଣ୍ଟରରେ ମୋବାଇଲ ରଖିଦେଇ ଭିତରକୁ ଝାଡୁ କରିବା ପାଇଁ ଯାଇଥିଲେ। ଏତିକିବେଳେ ଜଣେ ଚୋର ବଡ଼ ସହଜରେ ଆସି ମୋବାଇଲଟିକୁ ନେଇ ଚାଲିଯାଇଥିଲା। ପରେ ସି ସି ଟିଭି କ୍ୟାମେରା ଫୁଟେଜ ରୁ ତାହା ସ୍ପଷ୍ଟ ଜଣାପଡୁଛି। ଏହି ଫୁଟେଜ ଟି ସୋସିଆଲ ମିଡିଆରେ ଭାଇରାଲ ହେବା ପରେ ଚୋର ର ସାହସ କୁ ଦେଖି ସମସ୍ତେ ତାଜୁବ ହୋଇଯାଇଥିଲେ ।ଦୋକାନୀ ତଥା ଜନ ସାଧାରଣ ଟିକିଏ ଅସାବଧାନ ହେଲେ ଏମିତି ଚୋରି ଘଟଣା ଘଟି ଚାଲିଛି। ତେଣୁ ସମସ୍ତେ ଏଥିପ୍ରତି ସତର୍କ ରହିବା ଉଚିତ୍ ।
Popular Categories
Previous article
Next article