୩୭ ଅତ୍ୟାବଶ୍ୟକ ଔଷଧର ମୂଲ୍ୟ ହ୍ରାସ

ନୂଆଦିଲ୍ଲୀ: ଜାତୀୟ ଔଷଧ ମୂଲ୍ୟ ନିର୍ଦ୍ଧାରଣ କର୍ତ୍ତୃପକ୍ଷ (ଏନପିପିଏ) ପାରାସିଟାମଲ୍, ଆଟୋରଭାଷ୍ଟାଟିନ୍, ଆମୋକ୍ସିସିଲିନ୍ ସମେତ ୩୭ଟି ଅତ୍ୟାବଶ୍ୟକ ଔଷଧର ମୂଲ୍ୟ ହ୍ରାସ କରିଛି। କେନ୍ଦ୍ର ରାସାୟନ ଏବଂ ସାର ମନ୍ତ୍ରଣାଳୟ ଔଷଧ (ମୂଲ୍ୟ ନିୟନ୍ତ୍ରଣ), ୨୦୧୩ ଅନୁଯାୟୀ ଔଷଧ ମୁଖ୍ୟ ହ୍ରାସ ସମ୍ପର୍କିତ ବିଜ୍ଞପ୍ତି ଜାରି କରିଛି। ଜାତୀୟ ଔଷଧ ମୂଲ୍ୟ ନିର୍ଦ୍ଧାରଣ କର୍ତ୍ତୃପକ୍ଷ ଦ୍ୱାରା ଜାରି କରାଯାଇଥିବା ସୂଚନା ଅନୁଯାୟୀ, ମୂଲ୍ୟ ହ୍ରାସ କରାଯାଇଥିବା ଔଷଧ ଗୁଡ଼ିକ ସଂକ୍ରମଣ, ହୃଦରୋଗଠାରୁ ଆରମ୍ଭ କରି ମଧୁମେହ ଏବଂ ଭିଟାମିନ୍ ଅଭାବ ପର୍ଯ୍ୟନ୍ତ ବିଭିନ୍ନ ରୋଗର ଚିକିତ୍ସା ପାଇଁ ବ୍ୟବହୃତ ହୋଇଥାଏ।
ରିପୋର୍ଟ ଅନୁଯାୟୀ, ଏହି ନୂତନ ମୂଲ୍ୟ ପ୍ରମୁଖ ଔଷଧ କମ୍ପାନୀ ଗୁଡ଼ିକ ଦ୍ୱାରା ଉତ୍ପାଦିତ ଏବଂ ବିକ୍ରୟ କରାଯାଉଥିବା ୩୫ଟି ଔଷଧ କ୍ଷେତ୍ରରେ ଲାଗୁ ହେବ। ଏଥିମଧ୍ୟରୁ ପାରାସିଟାମଲ୍, ଆଟୋରଭାଷ୍ଟାଟିନ୍, ଆମୋକ୍ସିସିଲିନ୍, ମେଟଫର୍ମିନ୍ ପରି ପ୍ରାୟତଃ ନିର୍ଦ୍ଧାରିତ ଔଷଧ ଏବଂ ଦୀର୍ଘକାଳୀନ ରୋଗ ପରିଚାଳନାରେ ବ୍ୟବହୃତ ଔଷଧ ଅନ୍ତର୍ଭୁକ୍ତ। ମୂଲ୍ୟ ହ୍ରାସ ହୋଇଥିବା ଔଷଧ ମଧ୍ୟରେ ଆସେକ୍ଲୋଫେନାକ୍, ପାରାସିଟାମଲ୍ ଏବଂ ଟ୍ରିପ୍ସିନ୍ କାଇମୋଟ୍ରିପ୍ସିନ୍‌ର ଏକ ଅଂଶ ରହିଛି। ଏହି ଔଷଧର ଗୋଟିଏ ଟାବଲେଟର ମୂଲ୍ୟ ଏବେ ଡକ୍ଟର ରେଡ୍ଡିଜ୍ ଲାବୋରେଟୋରିଜ୍ ଦ୍ୱାରା ବିକ୍ରି ହେଲେ ୧୩ ଟଙ୍କା ଏବଂ କାଡିଲା ଫାର୍ମାସ୍ୟୁଟିକାଲସ୍ ଦ୍ୱାରା ବିକ୍ରି ହେଲେ ୧୫.୦୧ ଟଙ୍କା ହେବ। ଆଉ ଏକ ପ୍ରମୁଖ ସଂଶୋଧନ ହେଉଛି ହୃଦ୍‌ରୋଗ ଔଷଧ ଯାହା ଆଟୋରଭାସ୍ଟାଟିନ୍ ୪୦ ଏବଂ କ୍ଲୋପିଡୋଗ୍ରେଲ୍ ୭୫ର ମିଶ୍ରଣ ଭାବରେ ଉପଲବ୍ଧ, ଏବଂ କ୍ଲୋପିଡୋଗ୍ରେଲ୍ ୭୫ ଏବେ ପ୍ରତି ଟାବଲେଟ୍ ପିଛା ୨୫.୬୧ ଟଙ୍କାରେ ବିକ୍ରି ହେଉଛି। ସେଫିକ୍ସାଇମ୍ ଏବଂ ପାରାସିଟାମୋଲ୍ ମିଶ୍ରଣ ସମେତ ପିଲାମାନଙ୍କ ପାଇଁ କୋଲେକ୍ୟାଲସିଫେରୋଲ୍ ଡ୍ରପ୍ସ ଏବଂ ଡିକ୍ଲୋଫେନାକ୍ ଇଞ୍ଜେକ୍ସନ ପ୍ରତି ମିଲି ୩୧.୭୭ ଟଙ୍କା ହୋଇଛି। ସେହିପରି ଆଣ୍ଟି-ଡାଇବେଟିକ୍ ବର୍ଗରେ, ଟାଇପ୍ ୨ ମଧୁମେହ ପାଇଁ ଗୁରୁତ୍ୱପୂର୍ଣ୍ଣ ଏମ୍ପାଗ୍ଲିଫ୍ଲୋଜିନ୍, ସିଟାଗ୍ଲିପ୍ଟିନ୍ ଏବଂ ମେଟଫର୍ମିନ୍ ହାଇଡ୍ରୋକ୍ଲୋରାଇଡର ମିଶ୍ରଣ ବର୍ତ୍ତମାନ ପ୍ରତି ଟାବଲେଟ୍ ପିଛା ୧୬.୫୦ ଟଙ୍କାରେ ସୀମିତ ରହିଛି। କୋଲେଷ୍ଟ୍ରଲ୍ ପରିଚାଳନା ପାଇଁ ଆଟୋରଭାସ୍ଟାଟିନ୍-ଏଜେଟିମିବ୍ ଏବଂ ଆଲର୍ଜି ଏବଂ ଶ୍ୱାସ ପାଇଁ ବିଲାଷ୍ଟିନ୍-ମୋଣ୍ଟେଲୁକାଷ୍ଟ ଭଳି ଔଷଧର ମଧ୍ୟ ମୂଲ୍ୟ ହ୍ରାସ ଘଟିଛି।