ଆଠଗଡ: କଟକ ଦକ୍ଷିଣ ମଣ୍ଡଳ ଅଧିନ ସମସ୍ତ ଡାକଘର ଆସନ୍ତା ଅଗଷ୍ଟ ୨ ତାରିଖରେ ବୈଷୟିକ କାରଣରୁ ବନ୍ଦ ରହୁଥିବାରୁ ସେଦିନ କୌଣସି ଡାକସେବା ଉପଲବ୍ଧ ହେବ ନାହିଁ ବୋଲି ବିଭାଗୀୟ ସୂତ୍ରରୁ ଜଣାପଡିଛି । କଟକ ଦକ୍ଷିଣ ମଣ୍ତଳ ଅନ୍ତର୍ଗତ ଆଠଗଡ ମୁଖ୍ୟ ଡାକଘର, ଜଗତସିଂହପୁର ମୁଖ୍ୟ ଡାକଘର ଓ ସେହି ଦୁଇ ମୁଖ୍ୟ ଡାକଘର ଅଧିନସ୍ଥ ସମସ୍ତ ଉପ ଡାକଘର ବନ୍ଦ ରହିବ। ଏହା ସହିତ ଅଗଷ୍ଟ ୧ ତାରିଖ ଓ ୨ ତାରିଖ କଟକ ଦକ୍ଷିଣ ମଣ୍ଡଳ ଅଧିନସ୍ଥ ସମସ୍ତ ଶାଖା ଡାକଘରରେ ମଧ୍ୟ ଡାକସେବା ବନ୍ଦ ରହିବ। ଡାକ ବିଭାଗ ଦ୍ଵାରା ଏସଏପି ସଫ୍ଟଓୟାର ବଦଳରେ ନିଜସ୍ୱ ଡିଜାଇନ ଆଧୁନିକ ଡାକ ବ୍ୟବସ୍ଥା ଓ ପ୍ରଯୁକ୍ତି ସେବା( ଆଇଟି ୨.୦ ସଫ୍ଟୱେୟାର) ପ୍ରଚଳିତ ହେବାକୁ ଯାଉଛି। ଆଠଗଡ ମୁଖ୍ୟ ଡାକଘର, ଜଗତସିଂହପୁର ମୁଖ୍ୟ ଡାକଘର, ସମସ୍ତ ଉପ ଡାକଘର ଏବଂ ଏମାନଙ୍କ ଅଧିନସ୍ଥ ସମସ୍ତ ଶାଖା ଡାକଘରେ ଆସନ୍ତା ଚାରି ତାରିଖରୁ ଏହି ସଫ୍ଟଓୟାର ପ୍ରଚଳିତ ହେବା ଦ୍ୱାରା ଡାକସେବା ଅଧିକ ତ୍ୱରାନ୍ୱିତ ଓ ବ୍ୟବସ୍ଥିତ ହେବା ସହ ନେଟଓ୍ବାର୍କ ସମସ୍ୟାର ସମାଧାନ ହୋଇ ପାରିବ । ଏଥିପାଇଁ ସମସ୍ତ ପ୍ରସ୍ତୁତି ଚୁଡାନ୍ତ ହୋଇଛି । ତେଣୁ ବିଭାଗୀୟ ନିର୍ଦ୍ଦେଶ ଅନୁସାରେ ବୈଷୟିକ କାରଣ ଯୋଗୁଁ ଉପରୋକ୍ତ ଦିନରେ ଡାକସେବା ବନ୍ଦ ରହିବ ବୋଲି କଟକ ଦକ୍ଷିଣ ଡାକ ମଣ୍ଡଳ ଅଧିକ୍ଷକ ପରମେଶ୍ୱର ନାୟକ ଗ୍ରାହକଙ୍କ ଅବଗତି ନିମନ୍ତେ ସୂଚନା ଦେଇଛନ୍ତି । ଉନ୍ନତ ସେବା ପ୍ରଦାନ ଲାଗି ଡାକ ବିଭାଗ ଏହି ପ୍ରୟାସ କରୁଥିବାରୁ ଜନସାଧାରଣ ଓ ଗ୍ରାହକ ସହଯୋଗ କରିବାକୁ ନିବେଦନ କରାଯାଇଛି ।
Popular Categories
Previous article
Next article