ଏହି ଗାଡ଼ି କିଣିଲେ ମିଳିବ ୯.୬ ଲକ୍ଷ ଟଙ୍କାର ପ୍ରୋତ୍ସାହନ

ନୂଆଦିଲ୍ଲୀ: ସରକାର ଶୁକ୍ରବାର ପିଏମ୍‌ ଇ-ଡ୍ରାଇଭ୍‌ ପଦକ୍ଷେପ ଅଧୀନରେ ବୈଦ୍ୟୁତିକ ଟ୍ରକ୍ ପାଇଁ ପ୍ରଥମ ଗ୍ରାହକ-ମୁଖୀ ପ୍ରୋତ୍ସାହନ ଯୋଜନା ଆରମ୍ଭ କରିଛନ୍ତି। ପ୍ରତି ବୈଦ୍ୟୁତିକ ଟ୍ରକ କିଣିବା ପାଇଁ କେନ୍ଦ୍ର ସରକାର ୯.୬ ଲକ୍ଷ ଟଙ୍କା ପର୍ଯ୍ୟନ୍ତ ପ୍ରଦାନ କରିବେ। କେନ୍ଦ୍ରମନ୍ତ୍ରୀ ଏଚ୍‌.ଡି. କୁମାରସ୍ୱାମୀଙ୍କ ଦ୍ୱାରା ଘୋଷଣା କରାଯାଇଥିବା ଏହି ଯୋଜନାରେ ମୋଟ ୧୦,୯୦୦ କୋଟି ଟଙ୍କାର କାର୍ଯ୍ୟକ୍ରମ ବ୍ୟୟ ଅଟକଳ ମଧ୍ୟରୁ ଇ-ଟ୍ରକ୍ ପ୍ରୋତ୍ସାହନ ପାଇଁ ୫୦୦ କୋଟି ଟଙ୍କା ରଖାଯାଇଛି। ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ଯୋଜନାର ଲାଭ ପାଇବା ପାଇଁ ପୁରୁଣା ପ୍ରଦୂଷଣକାରୀ ଟ୍ରକଗୁଡ଼ିକୁ ସ୍କ୍ରାପ୍ କରିବା ବାଧ୍ୟତାମୂଳକ।
ଡିଜେଲ ଟ୍ରକଗୁଡ଼ିକ ଯଦିଓ ମୋଟ ଯାନବାହନ ସଂଖ୍ୟାର ମାତ୍ର ୩ ପ୍ରତିଶତ, ତଥାପି ପରିବହନ ସମ୍ବନ୍ଧୀୟ ଗ୍ରୀନହାଉସ୍ ଗ୍ୟାସ ନିର୍ଗମନର ୪୨ ପ୍ରତିଶତରେ ଅବଦାନ ରଖନ୍ତି ବୋଲି କୁମାରସ୍ୱାମୀ କହିଛନ୍ତି। ଏହି ଯୋଜନା ଟ୍ରକଗୁଡ଼ିକର ମୋଟ ଯାନବାହନ ଓଜନ ଉପରେ ନିର୍ଭର କରି ପ୍ରୋତ୍ସାହନ ପ୍ରଦାନ କରିବ। ସର୍ବାଧିକ ୯.୬ ଲକ୍ଷ ଟଙ୍କା ପ୍ରୋତ୍ସାହନ ରାଶି ଦେବାକୁ ଧାର୍ଯ୍ୟ କରାଯାଇଛି। ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ଯୋଜନାର ଲାଭ ପାଇବା ପାଇଁ ପୁରୁଣା ପ୍ରଦୂଷଣକାରୀ ଟ୍ରକଗୁଡ଼ିକୁ ସ୍କ୍ରାପ୍ କରିବା ବାଧ୍ୟତାମୂଳକ। କୁମାରସ୍ୱାମୀ କହିଛନ୍ତି ଯେ ଏହି ପ୍ରୟାସ ମେକ୍ ଇନ୍ ଇଣ୍ଡିଆ ଲକ୍ଷ୍ୟକୁ ଆଗକୁ ବଢ଼ାଇବ, ଲଜିଷ୍ଟିକ୍ସ ଖର୍ଚ୍ଚ ହ୍ରାସ କରିବ, ସ୍ଥାନୀୟକରଣକୁ ପ୍ରୋତ୍ସାହିତ କରିବ ଏବଂ ବୈଦ୍ୟୁତିକ ଯାନ ଏବଂ ବ୍ୟାଟେରୀ ଇକୋସିଷ୍ଟମରେ ନିଯୁକ୍ତି ସୃଷ୍ଟି କରିବ। ସେଲ୍‌ ଦୁଇ ବର୍ଷ ମଧ୍ୟରେ ୧୫୦ଟି ଇ-ଟ୍ରକ୍ କ୍ରୟ କରିବାକୁ ପ୍ରତିଶ୍ରୁତି ଦେଇଛି। ପ୍ରଥମ ଥର ପାଇଁ ସରକାର ଗ୍ରାହକଙ୍କୁ ସିଧାସଳଖ ବୈଦ୍ୟୁତିକ ଟ୍ରକ୍ କିଣିବାକୁ ପ୍ରୋତ୍ସାହିତ କରୁଛନ୍ତି।