ବୃଦ୍ଧାଙ୍କୁ ଗଳା କାଟି ହତ୍ୟା

ଭବାନୀପାଟଣା: ସଦର ଥାନା ଅନ୍ତର୍ଗତ ଯୁଗସାଇପାଟଣା ପଞ୍ଚାୟତ ମୁସିଗୁଡା ଗାଁରେ ଗତ ଶୁକ୍ରବାର ରାତିରେ ଜଣେ ବୃଦ୍ଧାଙ୍କୁ ଗଳାକାଟି ହତ୍ୟା କରାଯାଇଛି। ମୃତା ମହିଳା ହେଲେ ଜନନୀ ହରିଜନ(୭୫)। ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ତାଲବରା ଗାଁ ବାସିନ୍ଦା ଜନନୀ ଅନ୍ୟ ସମ୍ପର୍କୀୟଙ୍କ ସହିତ ମୁସିଗୁଡାରେ ପୋଡୁଚାଷ କରି ରହୁଥିଲେ। ଗତ ରାତିରେ ତାଙ୍କୁ ମୁସିଗୁଡ଼ାର ଜଣେ ଯୁବକ ହତ୍ୟା କରି ଫେରାର ହୋଇଯାଇଥିବା କୁହାଯାଉଛି। ହତ୍ୟାର କାରଣ ଅସ୍ପଷ୍ଟ ଅଛି। ସୂଚନା ପାଇ ଏକ ପୁଲିସ ଟିମ ଏବଂ ବିଶେଷଜ୍ଞ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି। ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।