ନୂଆଦିଲ୍ଲୀ: ଲଦାଖର ପାନ୍ଗୋଙ୍ଗ୍ ହ୍ରଦରେ ଜଣେ ଯୁବକ ବାଇକ୍ ଯୋଗେ ଷ୍ଟଣ୍ଟ୍ (ଦୁଃସାହସିକ କଳା କୌଶଳ) ପ୍ରଦର୍ଶନ କରିଥିବାରୁ ତାଙ୍କ ବିରୋଧରେ ମାମଲା ରୁଜୁ କରାଯାଇଛି। ଅଲ୍ଲୀ ଆଲୟାନ୍ ଇକ୍ବାଲ ନାମକ ଏହି ଯୁବକ ଜଣେ ୟୁଟ୍ୟୁବର ହୋଇଥିବାବେଳେ ଏହି ଷ୍ଟଣ୍ଟ୍ର ଏକାଧିକ ଫଟୋ ଓ ଭିଡିଓ ନିଜର ଇନ୍ଷ୍ଟାଗ୍ରାମ ଆକାଉଣ୍ଟରେ ଅପ୍ଲୋଡ କରିବାପରେ ଏହା ଲୋକଲୋଚନକୁ ଆସିଥିଲା। ଲଦାଖ ପୁଲିସ ଭାରତୀୟ ନ୍ୟାୟ ସଂହିତାର ବିଭିନ୍ନ ଧାରା ଅନୁଯାୟୀ ଇକ୍ବାଲଙ୍କ ବିରୋଧରେ ମାମଲା ରୁଜୁ କରିଛି। ପରିବେଶ ଦୃଷ୍ଟିକୋଣରୁ ପାନ୍ଗୋଙ୍ଗ୍ ଓ ନୁବ୍ରା ବାଲୁକା ଉପତ୍ୟକାକୁ ନିଷିଦ୍ଧ ଅଞ୍ଚଳ ଘୋଷଣା କରାଯାଇଛି। ତେବେ ଇକ୍ବାଲ ସୁଜୁକି ହାୟାବୁସା ଓ କାୱାସାକି ନିନ୍ଝା ସୁପର ବାଇକ୍ ସାହଯ୍ୟରେ ଏହି ଷ୍ଟଣ୍ଟ୍ ପ୍ରଦର୍ଶନ କରିଥିଲେ। ସୂଚନାଯୋଗ୍ୟ ଇକ୍ବାଲଙ୍କର ୟୁଟ୍ୟୁବ୍ରେ ୨୭.୪୦ ଲକ୍ଷ ଏବଂ ଇନ୍ଷ୍ଟାଗ୍ରାମରେ ୪.୨୮ ଲକ୍ଷ ଅନୁଗାମୀ ରହିଛନ୍ତି।
Popular Categories
Previous article
Next article