ସମାଜ ଡିଜିଟାଲ ଡେସ୍କ: ତିନି ରଥ ଉପରେ ସୋମବାର ମହାପ୍ରଭୁ ଶ୍ରୀ ବଳଭଦ୍ର, ଶ୍ରୀଜଗନ୍ନାଥ, ଦେବୀ ସୁଭଦ୍ରାଙ୍କୁ ଅଧରପଣା ଭୋଗ କରାଯିବ । ମଧ୍ୟାହ୍ନ ଧୂପ ଶେଷ ହେବା ପରେ ସ୍ୱତନ୍ତ୍ର ଶୈଳୀରେ ପ୍ରସ୍ତୁତ ପ୍ରଭୁଙ୍କ ଅଧର ଉଚ୍ଚ ପର୍ଯ୍ୟନ୍ତ ମାଟି ହାଣ୍ଡି ରଖାଯିବ । ସିଂହଦ୍ୱାର ସମ୍ମୁଖରେ ଥିବା କୂଅରୁ ପାଣି ଅଣାଯିବ । ପାଣି ଆଣିବା ବେଳେ ସମ୍ପୂକ୍ତ ସେବକ ମୁହଁରେ ତୁଣ୍ଡି ବାନ୍ଧିବେ । ସେଥିରେ କ୍ଷୀର, ସର, ଛେନା, କଦଳୀ, ଗୋଲମରିଚା,କର୍ପୁର, ଜାଇଫଳ ପକାଇ ମହାସୁଆର ସେବକ ପଣା ପ୍ରସ୍ତୁତ କରିବେ । ପଣାହାଣ୍ଡି ଉପରେ ଧଳା କରିଆ ଜାଲିକନା ପଢାଯିବ । ପତ୍ରିବଡୁ, ସୁଆବଡୁ ଓ ଗରାବଡୁ ସେବକ ତିନି ରଥରେ ପୂଜା ପାଠ କରିବେ । ମହାପ୍ରଭୁଙ୍କ ଅଧରାମୃତ ପାନ କରିବେ ରଥ ପାଶ୍ୱର୍ ଦେବାଦେବୀ, ଚଣ୍ଡୀ ଚାମୁଣ୍ଡା । ଅପରାହ୍ନ ୪ଟା ୩୦ରୁ ଆରମ୍ଭ ହେବ ନୀତିକାନ୍ତି, ୮ଟା ୩୦ରେ ଶେଷ ହେବା । ଏହି ସମୟରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼କୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ମଧ୍ୟ ରାତ୍ର ୨ଟାରେ ପଡିବ ଶ୍ରୀଜୀଉଙ୍କ ରାତ୍ର ପହୁଡ, କାଲି ନୀଳାଦ୍ରି ବିଜେ ।
Popular Categories
Previous article
Next article