ସମାଜ ଡିଜିଟାଲ ଡେସ୍କ: ମୃତ୍ୟୁ ଏମିତି ଆସିପାରେ, ତାହା ପୁଣି ସ୍କୁଲ ଯିବା ବୟସରେ । କେହି କେବେ ହେଲେ ବିଶ୍ୱାସ କରିନଥିବେ । ପିଲାଟି ସକାଳୁ ଉଠି ସ୍କୁଲ ଯିବା ପାଇଁ ପ୍ରସ୍ତୁତି କରି ଘରୁ ବାହାରି ଆସିଥିଲା ବାପା, ମାଙ୍କ ସହିତ । ସ୍କୁଲ ଗେଟ୍ ଆଗରେ କାରରୁ ଓହ୍ଲାଇବା ବେଳେ ଜଗି ବସିଥିଲା ଯମ । ଏହି ହୃଦୟ ବିଦାରକ ଘଟଣା ଘଟିଛି ଉତ୍ତରପ୍ରଦେଶ ବାରାବଙ୍କୀ ଜିଲ୍ଲାରେ । ଯାହାକି ସଭିଁଙ୍କୁ ଆଶ୍ଚର୍ଯ୍ୟ କରିଛି ।
ଏଠାରେ ଏକ ପ୍ରତିଷ୍ଠିତ ସ୍କୁଲରେ ପଢୁଥିବା ୧୨ବର୍ଷର ଛାତ୍ର ଅଖିଲ ପ୍ରତାପ ସିଂହଙ୍କ ଅଚାନକ ମୃତ୍ୟୁ ସଭିଁଙ୍କୁ ସ୍ତବ୍ଧ କରିଛି । ଗତ ମଙ୍ଗଳବାର ଦିନ ଅଖିଲ ସ୍କୁଲ ଯିବାକୁ ବାପାଙ୍କ ସହିତ କାରରେ ଆସି ଗେଟ୍ ସମ୍ମୁଖରେ ଓହ୍ଲାଇଥିଲେ । ପୂର୍ବରୁ ତାଙ୍କର ସ୍ୱାସ୍ଥ୍ୟବସ୍ଥା ଭଲ ଥିବାବେଳେ ହଠାତ ଗେଟ୍ ପାଖରେ ହିଁ ଟଳି ପଡିଥିଲେ । ଅଖିଲଙ୍କ ବାପା ଓ ଅନ୍ୟମାନେ ତୁରନ୍ତ ତାଙ୍କୁ ମେଡିକାଲକୁ ନେଇଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ପୁଅର ମୃତ୍ୟୁ ଖବର ଶୁଣି ପରିବାରରେ ଶୋକର ଛାୟା ଖେଳିଯାଇଛି । ପରିବାର ଲୋକ ଏହାକୁ ସହଜରେ ଗ୍ରହଣ କରିପାରୁ ନାହାଁନ୍ତି । ଅଖିଲଙ୍କ ପିତା କୋହଭରା କଣ୍ଠରେ କହିଛନ୍ତି ମୋ ପୁଅର ସ୍ୱାସ୍ଥ୍ୟ ସମ୍ପୂର୍ଣ୍ଣ ଠିକ୍ ଥିଲା । ଅଖିଲଙ୍କ ଏଭଳି ମୃତ୍ୟୁକୁ ସ୍ୱାସ୍ଥ୍ୟ ବିଶେଷଜ୍ଞମାନେ ସାଇଲେଣ୍ଟ ହାର୍ଟ ଆଟାକ୍ ବୋଲି କହିଛନ୍ତି । କିନ୍ତୁ ଡାକ୍ତରମାନେ ଏହାକୁ ଖଣ୍ଡନ କରିବା ସହ କମ୍ ବୟସର ପିଲାଙ୍କ କ୍ଷେତ୍ରରେ ଅନେକ ସମସ୍ୟା ଦେଖାଯାଉଛି । ତେବେ ପିଲାଙ୍କର ସ୍ୱାସ୍ଥ୍ୟବସ୍ଥା ଲଗାତାର ଯାଞ୍ଚ କରିବାକୁ କହିଛନ୍ତି । ଅଖିଲଙ୍କ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ପ୍ରକୃତ କାରଣ ଜଣାପଡିବ ।
ଏମିତି ବି ଆସେ ମୃତ୍ୟୁ! ସ୍କୁଲ ଯିବାକୁ ଆସିଥିଲେ, ହେଲେ ଗେଟ୍ ବାହାରେ. . .
Popular Categories
Previous article
Next article