ନୂଆଦିଲ୍ଲୀ : ଅହିରାଜ ସାପ ଦୁନିଆରେ ଥିବା ଭୟଙ୍କର ସାପ ମଧ୍ୟରୁ ଗୋଟିଏ ବୋଲି କୁହାଯାଏ । ଏହା ବିଷାକ୍ତ ସାପ । ଏହି ସାପର ନାଁ ଶୁଣିବା ମାତ୍ରେ ସଭିଏଁ ଭୟରେ ଥରିବାକୁ ଲାଗି ଥାନ୍ତି । ମାତ୍ର ଚିନ୍ତା କରନ୍ତୁ ଯଦି ଅହିରାଜ ଭଳି ସାପ ଫଣା ଟେକି ଏକ କୁନି ଶିଶୁ ସାମ୍ନାରେ ରହିଥାଏ, ତେବେ ପରିସ୍ଥିତି କ’ଣ ହେବ । କେହି କେବେ ଏହା କଳ୍ପନା ମଧ୍ୟ କରି ନଥିବେ । ନିକଟରେ ସୋସିଆଲ ମିଡିଆରେ ଭାଇରାଲ୍ ହେଉଥିବା ଏଭଳି ଏକ ଭିଡିଓ ସଭିଁଙ୍କ ହୋସ୍ ଉଡାଇ ଦେଇଛି । ଭିଡିଓଟି ଏବେ ସଭିଁଙ୍କ ଧ୍ୟାନକୁ ମଧ୍ୟ ଆକର୍ଷିତ ସହ ଭୟଭୀତ କରୁଛି ।
Cobra vs Babua pic.twitter.com/1gpOZt7d3S
— rareindianclips (@rareindianclips) May 26, 2025
ଭିଡିଓରେ ଦେଖିପାରିବେ ଏକ ଶିଶୁ ସାମ୍ନାରେ ଅହିରାଜ ସାପଟି ଫଣା ଟେକି ରହିଛି । ପ୍ରଥମେ ଏପରି ଅନୁଭବ ହେଉଛି, ଯେପରି କିଛି ଅଘଟଣ ଘଟିବ । ମାତ୍ର କିଛି ସମୟରେ ସମ୍ପୂର୍ଣ୍ଣ ବିପରୀତ ଘଟଣା ଦେଖିବାକୁ ମିଳୁଛି । ସାପଟି ଶିଶୁର କୌଣସି କ୍ଷତି କରୁ ନାହିଁ । ଶିଶୁଟି ମଧ୍ୟ ସାପକୁ ଆଦୌ ଭୟ କରୁନଥିବା ଦେଖାଯାଉଛି । ଯେପରି ତା’ ସାମ୍ନାରେ କୌଣସି ଖେଳନା ରହିଛି ଓ ସେ ଖେଳୁଛି । ଶିଶୁଟି କେତେବେଳେ ସାପର ବେକକୁ ଧରୁଛି ତ ପୁଣି କେତେବେଳେ ଫଣାରେ ହାତ ଲଗାଉଛି । ଭିଡିଓ ଦେଖି ଲୋକେ ଆଶ୍ଚର୍ଯ୍ୟ ଚକିତ ହେବା ସହ ଭିନ୍ନ ଭିନ୍ନ ମତ ମଧ୍ୟ ଦେଇଛନ୍ତି ।
ଦୀର୍ଘ ବର୍ଷ ପରେ ଶକ୍ତିଶାଳୀ ଯୋଗ: ଏହି ରାଶିଙ୍କୁ ଖାଲି ମିଳିବ ଲାଭ, ହେବେ ମାଲାମାଲ୍, ରହିବନି ଚିନ୍ତା..
