କଳାପଥର : ବାଙ୍କୀ ବୈଦ୍ୟେଶ୍ୱର ଥାନା ପେଟ୍ରୋଲିଙ୍ଗ ଗାଡିକୁ ପଥର ମାଡ ହୋଇଛି । ଘଟଣାରେ ସଂପୃକ୍ତ ଯୁବକଙ୍କୁ ଗିରଫ କରି ବାଙ୍କୀ କୋର୍ଟ ଚାଲାଣ କରିଛି ପୋଲିସ । ଉକ୍ତ ଯୁବକଙ୍କ ନାମ ଜନାର୍ଦ୍ଦନ ସାହୁ । କାଳିପୋଇ ପଂଚାୟତର ଚଢେଇବନ୍ଧରେ ତାଙ୍କ ଘରେ ବୋଲି ଆଇଆଇସି ସଞ୍ଜୟ କୁମାର ଜେନା ସୂଚନା ଦେଇଛନ୍ତି । ସୂଚନା ଥାଉକି କାଳିପୋଇ ପଂଚାୟତ ଚଡ଼େଇବନ୍ଧ ଗ୍ରାମରେ ଗତ କାଲି ବିଳମ୍ବିତ ରାତ୍ରିରେ ଡ୍ରାମା ଚାଲିଥିଲା । ଡ୍ରାମାକୁ ଦୃଷ୍ଟିରେ ରଖି ପୋଲିସ ପେଟ୍ରୋଲିଙ୍ଗ କରାଯାଇଥିଲା । ହଠାତ ଜଣେ ଯୁବକ ପୋଲିସ ଭ୍ୟାନ ଗାଡି ଉପରକୁ ପଥର ମାରିଥିଲା । ଏଥିରେ ପୋଲିସ ଭ୍ୟାନର ପଛ ପାର୍ଶ୍ଵ କାଚ ଭାଙ୍ଗି ଯାଇଥିଲା ।
ଚଡ଼େଇବନ୍ଧ ଗାଁରେ ସବୁବେଳେ ରାଜନୈତିକ ଦଳକୁ ନେଇ ଉତ୍ତେଜନା ଦେଖାଦେଇଥାଏ । ଥାନାରୁ ଗ୍ରାମବାସୀ ସ୍ୱୀକୃତି ନନେଇ ନାଟକ ପରିବେଷଣ କରୁଥିଲେ ଯାହାକି ଆଇନ ବିରୁଦ୍ଧ ଅଟେ । ଆଜି ଅପରାହ୍ନରେ ୫୦ରୁ ଉର୍ଦ୍ଧ୍ବ ଗ୍ରାମବାସୀ ଥାନାରେ ପହଁଚି ଗିରଫ ଜନାର୍ଦ୍ଧନ ସାହୁ(ପିତା ବ୍ୟାଙ୍କନିଧି ସାହୁ)ଙ୍କ ସପକ୍ଷରେ ସଫେଇ ଦେବାକୁ ପହଁଞ୍ଚିଥିଲେ । ଗ୍ରାମବାସୀ ତରଫରୁ ମେଳିହୋଇ ଜନାର୍ଦ୍ଧନ ଭଲ ପିଲା ହୋଇଥିବା ସଫେଇ ଦେଉଥିବା ବେଳେ ଭ୍ୟାନ ଉପରକୁ ପଥର ମାଡ଼ ଘଟଣାର ସତ୍ୟତା ମାନିଥିବା ଯୁବକଙ୍କୁ 95/25 ଧାରାରେ ଗିରଫ କରାଯାଇଥିବା ଜଣାପଡିଛି ।
