ପାତ୍ରପୁର : ପାତ୍ରପୁର ବ୍ଳକ ଆନ୍ଧ୍ର ପ୍ରଦେଶ ସୀମାନ୍ତ କେଶରୀପଡା ଗ୍ରାମ ରାସ୍ତାର ଶ୍ମଶାନ ନିକଟରେ ଏକ ସ୍କୁଟି ଦୁର୍ଘଟଣା ଘଟି ସ୍ତ୍ରୀଙ୍କ ମୃତ୍ୟୁ ଘଟିଥିବାବେଳେ ସ୍ବାମୀ ଆହତ ହୋଇଛନ୍ତି। ମୃତକ ଜଣକ ହେଲେ ପଡୋଶୀ ରାଜ୍ୟ ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲା କାଞ୍ଚିଲି ଗ୍ରାମର ଚନ୍ଦନ ବାସୁଦେବଙ୍କ ସ୍ତ୍ରୀ ଚନ୍ଦନ ଜାନକୀ (୪୦) ବର୍ଷ ବୋଲି ଜଣାପଡିଛି। ଉଭୟ ନିଜର ସ୍କୁଟି ଯୋଗେ ଏହି ବ୍ଲକ ଖମ୍ବାରିଗାଁ ପଞ୍ଚାୟତ ଖଣ୍ଡଦେଉଳି ଗ୍ରାମର ଜଣେ ବନ୍ଧୁ ଘରକୁ ଯାଇ ଫେରିବାବେଳେ ଜୟନ୍ତୀପୁର କେଶରୀପଡା ରାସ୍ତାରେ ସ୍କୁଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ ଉଭୟେ ରାସ୍ତାରେ ଛିଟିକି ପଡ଼ିଯାଇଥିବାବେଳେ ସ୍ଥାନୀୟ ଲୋକମାନେ ପହଞ୍ଚି ଉଦ୍ଧାର କରିବା ପରେ ୧୦୮ ଯୋଗେ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଥିଲା। ତେବେ ଡାକ୍ତର ଚନ୍ଦନ ଜାନକୀଙ୍କୁ ମୃତ ଘୋଷଣା କରିଥିଲେ। ତେବେ ତାଙ୍କ ସ୍ୱାମୀଙ୍କୁ ଚିକିତ୍ସା କରିଥିଲେ। ଏହି ବିଷୟରେ ମୃତକଙ୍କ ଭଉଣୀ ଆୟୁଦାମ ୱାନଜାକ୍ଷୀ ଜରଡା ଥାନାରେ ଅଭିଯୋଗ ଦେଇଥିଲେ। ଜରଡା ପୋଲିସ ଏକ ମୋକଦ୍ଦମା ରୁଜୁ କରି ଶବ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ପଠାଇଛି।
Popular Categories
Previous article
Next article