ୱାସିଂଟନ: କାଲିଫର୍ଣ୍ଣିଆରେ ସେନ୍ ଡିଏଗୋ ଉପକୂଳରେ ଅଘଟଣ। ଆମେରିକାରେ ଡଙ୍ଗା ବୁଡ଼ି ୩ ମୃତ୍ୟୁ ହୋଇଥିବାବେଳେ ୭ଜଣରୁ ଅଧିକ ନିଖୋଜ ଥିବା ସୂଚନା ମିଳିଛି। ୨ ଭାରତୀୟ ସମେତ ୪ଜଣ ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ନିଖୋଜ ୯ଜଣଙ୍କ ମଧ୍ୟରେ ୨ଜଣ ଭାରତୀୟ ଶିଶୁ ଥିବା ଜଣାପଡ଼ିଛି। କେଉଁ ପରିସ୍ଥିତିରେ ଡଙ୍ଗା ଓଲଟିଲା ତାହାର କାରଣ ସ୍ପଷ୍ଟ ହୋଇନାହିଁ।
କାଲିଫର୍ନିଆର ସାନ ଡିଏଗୋ ନିକଟସ୍ଥ ଉପକୂଳରେ ପ୍ରଶାନ୍ତ ମହାସାଗରରେ ଏକ ଛୋଟ ଡଙ୍ଗା ଓଲଟି ପଡ଼ିବା ଫଳରେ ୩ ଜଣଙ୍କର ମୃତ୍ୟୁ ଘଟିଛି ଏବଂ ଅତି କମରେ ଆଉ ୭ ଜଣ ନିଖୋଜ ଅଛନ୍ତି। ଆମେରିକାର ତଟରକ୍ଷୀ ବାହିନୀ‘ଏକ୍ସ’ରେ ଏକ ବିବୃତ୍ତିରେ କହିଛି ଯେ ପାଙ୍ଗା-ଶୈଳୀର ମାଛ ଧରିବା ଡଙ୍ଗାଟି ଟୋରେ ପାଇନ୍ସ ଷ୍ଟେଟ୍ ବିଚ୍ ନିକଟରେ ଓଲଟି ପଡ଼ିଥିଲା। ଏଥିରେ ୯ ଜଣ ନିଖୋଜ ହୋଇଥିବା ରିପୋର୍ଟ କରାଯାଇଥିଲା କିନ୍ତୁ ପରେ ଦୁଇଜଣଙ୍କୁ ପାଇ ଉଦ୍ଧାର କରାଯାଇଥିବା ସୂଚନା ମିଳିଛି।
ଜଣେ ତଟରକ୍ଷୀ ବାହିନୀ ଅଧିକାରୀ କହିଛନ୍ତି ଯେ ଏହା ଏହାକୁ ଏକ ସନ୍ଦେହଜନକ ମାନବ ଚୋରାଚାଲାଣ ଘଟଣା ଭାବରେ ବିଚାର କରାଯାଉଛି। ଦୁର୍ଘଟଣାରେ ଗୁରୁତର ଭାବେ ଆହତ ହୋଇଥିବା ୪ଜଣଙ୍କୁ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
