ଧାମରା : ଧାମରା ଅର୍ନ୍ତଗତ ଚରଦିଆ ପଂଚାୟତରେ ରବିବାର ସକାଳେ ଗ୍ରାମର ମହିଳା ସଂଘ ୨ ପେଟି ମଦ ଜବତ କରିଛନ୍ତି। ଏହି ୫୬ଟି ମଦ(୧୮୦ମି.ଲି) ବୋତଲକୁ ଗ୍ରାମର ବୁନା ମାଝୀ(୨୪),ସୁଶାନ୍ତ ମାଝୀ(୩୨) ଏବଂ ମାମିନା ପରିଡାଙ୍କ ଘରୁ ଜବତ ହୋଇଥିଲା। ଏହି ସମସ୍ତ ମଦ ଗୁଡିକ ଗ୍ରାମର ମହିଳା ମଣ୍ଡଳର ସଭ୍ୟା ମାନେ ଜବତ କରିବା ସହ ଏହି ୩ଜଣଙ୍କୁ ଘରୁ ଆଣି ନିକଟସ୍ଥ ବଜାରରେ ଥିବା ଗଛ ଗୁଡିକରେ ବାନ୍ଧି ଦେଇଥିଲେ। ପରେ ବାଂଶଡା ଥାନାକୁ ଖବର ଦେଇଥିଲୋ ବାଂଶଡା ପୁଲିସ ଘଟଣାସ୍ଥଳରେ ପହଞ୍ଚି ଥିବା ବେଳେ ମହିଳାମଣ୍ଡଳ ଏହି ୩ ଜଣ ଚୋରା ମଦ ବେପାରୀଙ୍କୁ ଗ୍ରାମର ମହିଳା ସଂଘ ପୁଲିସକୁ ହସ୍ତାନ୍ତରିତ କରିଥିବା ଜଣାଯାଇଛି। ଏଠାରେ ଉଲ୍ଲେଖଯୋଗ୍ୟ ଏହି ଗ୍ରାମରେ ଥିବା ମହିଳା ମହାମଣ୍ଡଳ ଚରଦିଆ ପଂଚାୟତରେ ଚୋରା ମଦ ବେପାରକୁ ବନ୍ଦ କରିବା ପାଇଁ ବ୍ୟାପକ ସଚେତନତା ସୃଷ୍ଟି କରିଥିଲେ। ସମସ୍ତ ପଂଚାୟତବାସୀଙ୍କୁ ମଦ ପିଇବାରୁ ବନ୍ଦ ରହିବା ପାଇଁ ଘର ଘର ବୁଲି ସଚେତନତା ସୃଷ୍ଟି କରିଥିଲେ। ସମସ୍ତ ଚୋରା ମଦ ବେପାରୀଙ୍କୁ ଏହି ବେପାରରୁ କ୍ଷାନ୍ତ ରହିବା ପାଇଁ କହିବା ପରେ ମଧ୍ୟ ଚୋରା ମଦର ବ୍ୟାପକ ବେପାର ଚାଲୁଥିବା ବେଳେ ରବିବାର ଏପରି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି।
୨ପେଟି ମଦ ଜବତ ; ୩ ଜଣଙ୍କୁ ଗଛରେ ବାନ୍ଧି ପୁଲିସକୁ ହସ୍ତାନ୍ତରିତ କଲେ ମହିଳା
Popular Categories
Previous article
Next article