ନ୍ୟୁୟର୍କ : କ୍ଷୁଦ୍ର ଚାଷୀଙ୍କ ପାଇଁ ସରକାର ବଜେଟ୍ରେ ଘୋଷଣା କରିଥିବା ମାସିକ ୫୦୦ଟଙ୍କା ସହାୟତା ରାଶିକୁ ଆଗାମୀ ଦିନରେ ବୃଦ୍ଧି କରାଯିବ ବୋଲି କେନ୍ଦ୍ରମନ୍ତ୍ରୀ ଅରୁଣ ଜେଟଲୀ କହିଛନ୍ତି। ଆମେରିକାରରେ ଚିକିତ୍ସିତ ହେଉଥିବା ଜେଟଲୀ କହିଛନ୍ତି ଯେ ଆଗାମୀ ଦିନରେ ସରକାରଙ୍କ ଆୟର ଉତ୍ସ ବୃଦ୍ଧି ଆଧାରରେ ଏହି ସହାୟତା ରାଶି ବୃଦ୍ଧି କରାଯିବ। ଏହା ସହିତ ରାଜ୍ୟ ସରକାର ଚାହିଁଲେ ଏହି ସହାୟତା ରାଶିକୁ ବୃଦ୍ଧି କରିପାରିବେ। ସରକାର ଚାଷୀମାନଙ୍କୁ ରିଆତି ଦରରେ ଖାଦ୍ୟ, ମାଗଣା ସ୍ବାସ୍ଥ୍ୟସେବା, ମାଗଣା ବିଜୁଳି, ମାଗଣା ରନ୍ଧନ ଗ୍ୟାସ ସଂଯୋଗ ଆଦି ଯୋଗାଇ ଦେଉଛନ୍ତି। କେନ୍ଦ୍ର ସରକାର ୨୦୧୯-୨୦ ଅନ୍ତରୀଣ ବଜେଟ୍ରେ କ୍ଷୁଦ୍ର ଚାଷୀଙ୍କ ପାଇଁ ବାର୍ଷିକ ୬୦୦୦ଟଙ୍କାର ସହାୟତା ରାଶି ଘୋଷଣା କରିଛନ୍ତି। କେନ୍ଦ୍ର ସରକାରଙ୍କ ଏହି ଘୋଷଣାକୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ସମାଲୋଚନା କରିଛନ୍ତି। ରାହୁଲ କହିଛନ୍ତି ଯେ ସରକାର କୃଷକଙ୍କ ପାଇଁ ଦୈନିକ ୧୭ଟଙ୍କାର ସହାୟତା ଦେବା ହାସ୍ୟାସ୍ପଦ।
Popular Categories
Previous article
Next article