ଆଜି ଜାତୀୟ ମହିଳା ଆୟୋଗଙ୍କ ଜନଶୁଣାଣି

ଭୁବନେଶ୍ୱର : ମହିଳାଙ୍କୁ ସଶକ୍ତ କରିବା ଏବଂ ତୃଣମୂଳସ୍ତରରେ ସେମାନଙ୍କ ସମସ୍ୟାର ସମାଧାନ ପାଇଁ ଜାତୀୟ ମହିଳା ଆୟୋଗ ଜନଶୁଣାଣି କରିବେ। ‘ଜାତୀୟ ମହିଳା କମିସନ – ଆପଣଙ୍କ ଦ୍ୱାରରେ’ ଶୀର୍ଷକ ଜନଶୁଣାଣି ଆଜି ଅପରାହ୍ଣ ୨ଟାରେ ଭୁବନେଶ୍ୱର ମ୍ୟୁନିସିପାଲ କର୍ପୋରେସନର ଏକାମ୍ର ହଲରେ ଅନୁଷ୍ଠିତ ହେବ। ଜାତୀୟ ମହିଳା ଆୟୋଗ ଅଧ୍ୟକ୍ଷା ବିଜୟା ରାହତକର ଏଥିରେ ଉପସ୍ଥିତି ରହିବେ। ମହିଳାଙ୍କ ସହ ଜଡ଼ିତ ସମସ୍ୟାର ତୁରନ୍ତ ସମାଧାନ ପାଇଁ ଜାତୀୟ ମହିଳା ଆୟୋଗ ଦ୍ୱାରା ଆୟୋଜିତ ଏହି ଜନଶୁଣାଣିରେ ଜିଲା ମାଜିଷ୍ଟ୍ରେଟ, ପୁଲିସ ଅଧୀକ୍ଷକ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଅଂଶଗ୍ରହଣ କରିବେ। ଭୁବନେଶ୍ୱର ଏବଂ ଆଖପାଖ ସମସ୍ତ ସହରର ମହିଳାମାନେ କୌଣସି ପ୍ରକାର ସମସ୍ୟାରେ ପୀଡ଼ିତ ଥିଲେ, ସେମାନେ ଏହି ଜନଶୁଣାଣିରେ ଅଂଶଗ୍ରହଣ କରି ନିଜର ସମସ୍ୟା ଆୟୋଗଙ୍କ ନିକଟରେ ଉପସ୍ଥାପନ କରିବାକୁ ଜାତୀୟ ମହିଳା ଆୟୋଗଙ୍କ ପକ୍ଷରୁ ଅନୁରୋଧ କରାଯାଇଛି।