ବାରବାଟୀ ଲଢେଇ ଜିତିଲା ଭାରତ, ୪ ଓ୍ବିକେଟରେ ହାରିଲା ଇଂଲଣ୍ଡ

କଟକ : ଭାରତ ଇଂଲଣ୍ଡକୁ ଦ୍ବିତୀୟ ଦିନିକିଆରେ ୪ ଓ୍ବିକେଟରେ ହରାଇଛି । ଏହା ସହିତ ଟିମ୍ ୩ ମ୍ୟାଚର ସିରିଜରେ ୨-୦ରେ ଆଗୁଆ ରହିଛି । ବାରବାଟୀ ଷ୍ଟାଡିୟମରେ ରବିବାର ଇଂଲଣ୍ଡ ବ୍ୟାଟିଂ ଚୟନ କରିଥିଲା । ଦଳ ୪୯.୫ ଓଭରରେ ୩୦୪ ରନ ସଂଗ୍ରହ କରିଥିଲା । ଭାରତ ୪୪.୩ ଓଭରରେ ୬ ଓ୍ବିକେଟ ହରାଇ ଲକ୍ଷ୍ୟକୁ ହାସଲ କରିଛି । ଭାରତୀୟ ଦଳର ଅଧିନାୟକ ରୋହିତ ଶର୍ମା ୧୧୯ ରନ୍ କରିଛନ୍ତି । ଶୁଭମନ ଗିଲ୍ ୬୦ ରନ୍ ରହିଛନ୍ତି । ରବିନ୍ଦ୍ର ଜଡେଜା ୩ ଓ୍ବିକେଟ୍ ନେଇଛନ୍ତି । ଇଂଲଣ୍ଡର ଜୋ ଋଟ୍ ୬୯, ଡକେଟ୍ ୬୫ ରନ୍ କରିଛନ୍ତି । ଜେମୀ ଓଭର୍ଟର୍ଣ୍ଣଙ୍କୁ ୨ଟି ଓ୍ବିକେଟ୍ ମିଳିଛି । ତୃତୀୟ ଦିନିକିଆ ୧୨ ଫେବୃୟାରୀରେ ଅହମଦାବାଦରେ ଖେଳାଯିବ ।

Odisha | #INDvsENG 2nd ODI | India (308/6) defeats England (304) by 4 wickets to take an unassailable 2-0 lead in the three-match ODI series.

(Pic: ANI Picture Service) pic.twitter.com/VQ6HJwwljF

— ANI (@ANI) February 9, 2025