ଖୋର୍ଦ୍ଧା: ଏକ ଜଙ୍ଗଲୀ ବାର୍ହା ଜଣେ ଶିଶୁକନ୍ୟାର ପାପୁଲିକୁ ଛିଡାଇ ନେଇଛି । ଏଭଳି ଏକ ଅଭାବନୀୟ ଘଟଣା ଖୋର୍ଦ୍ଧା ସଦର ଥାନା ଅନ୍ତର୍ଗତ ଦଧିମାଛଗାଡ଼ିଆ ନିକଟରେ ଘଟିଛି । ଗୁରୁତର ଅବସ୍ଥାରେ ଶିଶୁଟିକୁ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ଶିଶୁଟିର ବାପା-ମା’ ଏକ କ୍ରସରରେ ଶ୍ରମିକ ଭାବେ କାମ କରନ୍ତି । ଶନିବାର ସକାଳେ ବାପା-ମା କାମ କରୁଥିବା ବେଳେ ନିକଟରେ ଶିଶୁଟି ଖେଳୁଥିଲା । ଏହି ସମୟରେ ଏକ ଜଙ୍ଗଲୀ ବାର୍ହା ଆସି ଶିଶୁକନ୍ୟାକୁ ଆକ୍ରମଣ କରିଥିଲା। ବାର୍ହା ଆକ୍ରମଣରେ ଶିଶୁଟର ଡାହାଣ ହାତ ପାପୁଲି ସମ୍ପୂର୍ଣ୍ଣ ଛିଡ଼ି ଯାଇଛି ।
