ନୂଆଦିଲ୍ଲୀ : ଇଲେକ୍ଟ୍ରିକ୍ ମୋଟରସାଇକେଲ ନିର୍ମାତା କମ୍ପାମୀ ଓବେନ ଇଲେକ୍ଟ୍ରିକ୍ ୭୬ ତମ ସାଧାରଣତନ୍ତ୍ର ଦିବସ ଅବସରରେ ସାରା ଦେଶରେ ୧୦ ନୂଆ ଶୋ-ରୁମ୍ ଏବଂ ସର୍ଭିସ୍ ସେଣ୍ଟର ଆରମ୍ଭ କରିଦେଇଛି । ଏହି ନୂଆ ସେଣ୍ଟର ଆରମ୍ଭ ହେବା ପରେ ଓବେନ୍ ଏବେ ୭ ରାଜ୍ୟ ଓ ୧୪ ସହରରେ ୨୨ ଶୋରୁମ୍ ଓ ସର୍ଭିସ୍ ସେଣ୍ଟର ସହିତ ୫.୩ କୋଟି ଭାରତୀୟଙ୍କ ପର୍ଯ୍ୟନ୍ତ ପହଞ୍ଚି ପାରିବ । ନୂଆ ଶୋ-ରୁମ୍ ପୁଣେର ଶିବାଜୀନଗର ଓ ଧନକବଡି, କର୍ଣ୍ଣାଟକର ହୁବଲୀ, କେରଳର ମଲ୍ଲପୁରମ ଓ ତ୍ରିଶୁର, ଛତିଶଗଡର ବିଳାସପୁର, ଉତ୍ତର ପ୍ରଦେଶର ଲକ୍ଷ୍ନୌ, ମୈନପୁରୀ, ବନ୍ଦାୟୁ ଓ ନୂଆଦିଲ୍ଲୀର ଆଦିଚିନିରେ ଖୋଲିଛି ।
କମ୍ପାନୀ ଆଗକୁ ଆହୁରି ୧୦୦ ନୂଆ ଶୋ-ରୁମ୍ ଖୋଲିବା ପାଇଁ ଯୋଜନା କରୁଛି । ଓବେନ୍ ଇଲେକ୍ଟ୍ରିକ୍ ହାଇ-ପରଫର୍ମାନ୍ସ ଏଲଏଫପି ବ୍ୟାଟେରୀ, ମୋଟର, ଫାଷ୍ଟ ଚାର୍ଜର ଓ ଭେଇକଲ କଣ୍ଟ୍ରୋଲ ୟୁନିଟ୍ ଭଳି ସମସ୍ତ ଜରୁରି ଉପକରଣକୁ ଇନ-ହାଉସ ଡିଜାଇନ୍ ଡେଭଲପ୍ ଓ ନିର୍ମାଣ କରୁଛି । କିଛି ଦିନ ତଳେ କମ୍ପାନୀ ରର୍ ଇଜି ଲଞ୍ଚ୍ କରିଥିଲା ଯାହାର ପ୍ରାରମ୍ଭିକ ଦାମ୍ ୮୯,୯୯୯ ଟଙ୍କା ଥିଲା । ଏହି ବାଇକ୍ ମାତ୍ର ୩.୩ ସେକେଣ୍ଡରେ ଶୂନ୍ୟର ୪୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରେ । ଏହାର ସର୍ବାଧିକ ସ୍ପିଡ୍ ୯୫ କିଲୋମିଟର ପ୍ରତି ଘଣ୍ଟା । ଥରେ ଚାର୍ଜ କଲେ ଏହା ୧୭୫ କି.ମି ପର୍ଯ୍ୟନ୍ତ ଯାତ୍ରା କରିପାରେ ।
