ନୂଆଦିଲ୍ଲୀ : ଭାରତୀୟ ଟେଲିକମ୍ ନିୟାମକ କର୍ତ୍ତୃପକ୍ଷ (ଟ୍ରାଇ) ପକ୍ଷରୁ ଫେବୃଅାରୀ ପହିଲାରୁ ନୂଆ ଡିଟିଏଚ୍ ଟାରିଫ୍ ବ୍ୟବସ୍ଥା ଲାଗୁ ହେବାକୁ ଯାଉଛି । ଏହି ନୂଆ ନିୟମ ଅଧିନରେ ଦେଶର ସମସ୍ତ କେବୁଲ ଅପରେଟର ଏବଂ ଡିଟିଏଚ୍ କମ୍ପାନୀ ଆସୁଛନ୍ତି । ଏ ନେଇ ଟ୍ରାଇ ପକ୍ଷରୁ ଡିଟିଏଚ୍ ଏବଂ କେବୁଲ ଅପରେଟରଙ୍କୁ ନିର୍ଦେଶନାମା ଜାରି କରାଯାଇଛି। ଏହି ନିୟମ ଲାଗୁ ହେଲେ ଗ୍ରାହକ ପ୍ରତି ମାସରେ ୧୫୩ ଟଙ୍କା(ଜିଏସ୍ଟି ସମେତ) ପ୍ରଦାନ କରି ମାସକରେ ୧୦୦ଟି ଚ୍ୟାନେଲ ଦେଖିପାରିବେ। ତେେବ ଗ୍ରାହକଙ୍କ ଲାଗି ଚ୍ୟାନେଲ ମନୋନୟନ ପାଇଁ ଆଜି ଥିଲା ଶେଷ ଦିବସ । ଏଥିରେ ଗ୍ରାହକ ଶେଷ ସମୟସୀମା ସୁଦ୍ଧା ୧୦୦ଚ୍ୟାନେଲ ବାଛିବାକୁ କୁହାଯାଇଥିଲା । ଏ ସମ୍ପର୍କରେ ଗ୍ରାହକମାନଙ୍କୁ ଏସ୍ଏମ୍ଏସ୍ ଜରିଆରେ ସୂଚନା ପ୍ରଦାନ କରାଯାଇଛି। ନୂଆ ନିୟମରେ ଯଦି ଗ୍ରାହକ କେବଳ ଫ୍ରି ଟୁ ଏୟାର ଚ୍ୟାନେଲ ଚୟନ କରନ୍ତି ତାହେଲେ ତାଙ୍କୁ ଅତିରିକ୍ତ କୌଣସି ଚାର୍ଜ ଦେବାକୁ ପଡିବନାହିଁ। ତେବେ ପେଡ୍ ଚ୍ୟାନେଲ କ୍ଷେତ୍ରରେ ପ୍ରତ୍ୟେକ ଚ୍ୟାନେଲ ଲାଗି ନିର୍ଦ୍ଧାରିତ ଶୁଳ୍କ ଦେବାକୁ ହେବ। ଟ୍ରାଇ ନିୟମରେ ବେସ୍ ପ୍ୟାକ୍ରେ ଏଚ୍ଡି ଚ୍ୟାନେଲକୁ ସାମିଲ କରାଯାଇନାହିଁ। ତେବେ ଗୋଟିଏ ଏଚ୍ଡି ଚ୍ୟାନେଲ ଦୁଇଟି ଏସ୍ଡି ଚ୍ୟାନେଲ ସଙ୍ଗେ ସମାନ।
Popular Categories
Previous article
Next article