ତେହରାନ୍ : ଇରାନ୍ ସୁପ୍ରିମକୋର୍ଟରେ ଦୁଇ ବିଚାରପତିଙ୍କୁ ଶନିବାର ଗୁଳି କରି ହତ୍ୟା କରାଯାଇଛି। ଜଣେ ଅଚିହ୍ନା ବନ୍ଧୁକଧାରୀ ହଠାତ୍ କୋର୍ଟ ମଧ୍ୟରେ ପ୍ରବେଶ କରି ଦୁଇ ବିଚାରପତିଙ୍କୁ ଗୁଳି ଚଳାଇଥିଲା। ଏଥିରେ ଦୁଇ ବିଚାରକଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଏହି ଘଟଣାରେ ଅନ୍ୟ ଜଣେ ଆହତ ହୋଇଛନ୍ତି। ପରେ ଆତତାୟୀ ନିଜ ଉପରକୁ ଗୁଳି ଚଳାଇ ଆତ୍ମହତ୍ୟା କରିଥିଲା। ଦୁଇ ମୃତ ବିଚାରପତି ଅଲୀ ରାଜିନି ଓ ମହମ୍ମଦ ମୋଘିସେ ଅତି ଅଭିଜ୍ଞ ଓ ନିର୍ଭୀକ ଥିଲେ। ସେମାନେ ଆତଙ୍କବାଦ, ଗୁଇନ୍ଦାଗିରି ଓ ରାଷ୍ଟ୍ରୀୟ ନିରାପତ୍ତା ସମ୍ପର୍କିତ ମାମଲାର ବିଚାର କରୁଥିଲେ। ୨୦୨୩ ଏପ୍ରିଲରେ ଦେଶର ଶକ୍ତିଶାଳୀ ଧର୍ମଗୁରୁ ଆବାସ୍ ଅଲୀ ସୋଲେମାନିଙ୍କୁ ଏକ ବ୍ୟାଙ୍କରେ ହତ୍ୟା କରାଯିବା ପରେ ଏହା ଦ୍ବିତୀୟ ବଡ଼ ଧରଣର ହତ୍ୟାକାଣ୍ଡ। ଗତ ବର୍ଷ ଇରାନ୍ରେ ବହୁ ଉଚ୍ଚ ସ୍ଥାନୀୟ ପଦାସୀନ ବ୍ୟକ୍ତିଙ୍କୁ ନିଶାଣ କରାଯାଇଥିଲା।
Popular Categories
Previous article
Next article