ଲିଙ୍ଗଗତ ସମାନତା ଆମ ବୈଦେଶିକ ନୀତି ଓ ବିଶ୍ୱ ସମ୍ପର୍କର ଅବିଚ୍ଛେଦ୍ୟ ଅଂଶ – ବୈଦେଶିକ ମନ୍ତ୍ରୀ ଜୟଶଙ୍କର

ଡେସ୍କ: ବୈଦେଶିକ ବ୍ୟାପାର ମନ୍ତ୍ରୀ ଡ. ଏସ୍ ଜୟଶଙ୍କର ଆଜି କହିଛନ୍ତି ଯେ, ଲିଙ୍ଗଗତ ସମାନତା ଏବଂ ମହିଳାଙ୍କ ବିକାଶ ଭାରତର ବୈଦେଶିକ ନୀତି ଏବଂ ଅନ୍ତର୍ଜାତୀୟ ସମ୍ପର୍କର ଅବିଚ୍ଛେଦ୍ୟ ଅଙ୍ଗ ବୋଲି ସେ କହିଛନ୍ତି।

ଆଜି ଭୁବନେଶ୍ୱରରେ ପ୍ରବାସୀ ଭାରତୀୟ ଦିବସର ଚତୁର୍ଥ ପୂର୍ଣ୍ଣାଙ୍ଗ ଅଧିବେଶନରେ ଅଧ୍ୟକ୍ଷତା କରି ‘ପ୍ରବାସୀ ଦିବସ: ମହିଳା ନେତୃତ୍ୱ ଏବଂ ପ୍ରଭାବ – ନାରୀ ଶକ୍ତି’ ଶୀର୍ଷକରେ ଡ. ଜୟଶଙ୍କର ସମାଜରେ ବିକାଶକୁ ପ୍ରଭାବିତ କରୁଥିବା ଗଭୀର ପ୍ରସଙ୍ଗଗୁଡ଼ିକ ଉପରେ ଆଲୋକପାତ କରିଥିଲେ। ଜନ୍ମରୁ ଆରମ୍ଭ କରି ପାରିବାରିକ ସ୍ତରରେ ଭେଦଭାବ କିପରି ଆରମ୍ଭ ହୁଏ ଏବଂ ପୋଷଣ, ସ୍ୱାସ୍ଥ୍ୟ ଓ ଶିକ୍ଷା ଭଳି ସମ୍ବଳର ଉପଲବ୍ଧତାରେ ପ୍ରତିଫଳିତ ହୁଏ ତାହା ଉପରେ ମନ୍ତ୍ରୀ ଗୁରୁତ୍ୱାରୋପ କରିଥିଲେ ।

ଅଧିବେଶନରେ ବିଶ୍ୱସ୍ତରରେ ମହିଳା ନେତ୍ରୀଙ୍କ ସଫଳତାକୁ ପ୍ରଶଂସା କରାଯିବା ସହ ପ୍ରଗତିରେ ବାଧା ସୃଷ୍ଟି କରୁଥିବା ବ୍ୟବସ୍ଥାଗତ ଆହ୍ୱାନର ମୁକାବିଲା ପାଇଁ ପଦକ୍ଷେପଗୁଡ଼ିକ ସମ୍ପର୍କରେ ଆଲୋଚନା କରାଯାଇଥିଲା।