ପାଟଣା: କେନ୍ଦୁଝର ଜିଲା ପାଟଣା ବ୍ଲକ ବଡ ପାଟଣା ପଞ୍ଚାୟତ ଅନ୍ତର୍ଗତ ଝାଟିପଡା ଗ୍ରାମର ଶଙ୍ଖାଳି ବାରିକଙ୍କ ସ୍ତ୍ରୀ ଜୁଲି ବାରିକ(୪୫)ଙ୍କର ନିଆଁରେ ପୋଡ଼ିହୋଇ ମୃତ୍ୟୁ ଘଟିଛି। ସୂଚନା ଅନୁଯାୟୀ, ଶନିବାର ରାତିରେ ଝାଟିପଡା ଗ୍ରାମକୁ ଏକ ଗୋଠଛଡ଼ା ଦନ୍ତାହାତୀ ପଶି ଆସୁଥିବା ଖବର ପାଇ ସେହି ଗ୍ରାମବାସୀ ଗାଁ ଚାରିପଟେ ନାଆଁ ଜାଳିଥିଲେ। ସେହି ଗ୍ରାମର ଶଙ୍ଖାଳି ବାରିକଙ୍କ ସ୍ତ୍ରୀ ଜୁଲି ବାରିକ ମଧ୍ୟ ପୋଡ଼ା ମୋବିଲ ସାହାଯ୍ୟରେ ନିଆଁ ଜଳାଉଥିବାବେଳେ ସେହି ନିଆଁ ଜୁଲି ବାରିକଙ୍କ ଦେହରେ ଲାଗିଯାଇଥିଲା। ସେଠାରେ ଥିବା ଜୁଲିଙ୍କର ସ୍ୱାମୀ ଓ ତାଙ୍କ ପୁଅ ତାଙ୍କୁ ସଙ୍ଗେସଙ୍ଗେ ପାଟଣା ମେଡିକାଲକୁ ଆଣି ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲ ନେଉଥିବାବେଳେ ଘଟଗାଁ ପରେ କନ୍ତୋ ନିକଟରେ ତାଙ୍କର ମୃତ୍ୟୁ ଘଟିଥିଲା। ପରେ ତାଙ୍କୁ ଘସିପୁରା ମେଡିକାଲକୁ ନିଆଯାଇଥିଲା। ସେଠାରେ ଡାକ୍ତର ଜୁଲିଙ୍କୁ ମୃତ ଘୋଷଣା କରିଥିଲେ। ସେଠାରେ ମୃତଦେହକୁ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ପାଟଣା ବନ ବିଭାଗ ଘଟଣାର ପ୍ରାଥମିକ ତଦନ୍ତ କରିଛି।
Popular Categories
Previous article
Next article