ସମ୍ବଲପୁର: ସମ୍ବଲପୁର ଦେଇ ଚୋରାରେ ଗଞ୍ଜେଇ ଚାଲାଣ କରିବା ସମୟରେ ଅବକାରୀ ବିଭାଗ ଜଣେ ଯୁବକଙ୍କୁ ଧରିଛି। ଅବକାରୀ ବିଭାଗର ସୂଚନାନୁଯାୟୀ, ବିଭାଗର ମୋବାଇଲ ୟୁନିଟ ପକ୍ଷରୁ ପାଟ୍ରୋଲିଂ ସମୟରେ ରାଜ୍ୟ ରାଜପଥ ୧୦ରେ ଭାଲୁପାଲି ଛକ ନିକଟରେ ଏକ ସନ୍ଦିଗ୍ଧ ବାଇକକୁ ଅଟକା ଯାଇଥିଲା। ଚତୁରତାର ସହିତ ବାଇକରେ ଗଞ୍ଜେଇ ଭର୍ତ୍ତି ବସ୍ତା ଉପରେ ଏକ କପଡା ଢ଼ାଙ୍କି ଚାଲାଣ କରାଯାଉଥିଲା। ସମ୍ବଲପୁର ପଟରୁ ଉତ୍ତର ପ୍ରଦେଶ ରାଜ୍ୟକୁ ବାଇକରେ ୨୩ କିଗ୍ରା ଗଞ୍ଜେଇ ଚାଲାଣ କରାଯାଉଥିଲା। ଏଣୁ ଗଞ୍ଜେଇ ଚାଲାଣ ଅଭିଯୋଗରେ ଉତ୍ତର ପ୍ରଦେଶ ରାଜ୍ୟର ପ୍ରୟାଗରାଜ ଜିଲାର ନିବାସୀ ରାଧେଶ୍ୟାମ (୨୦) ଓ ବିଜୟ କୁମାର ଗୁପ୍ତା (୧୯)ଙ୍କୁ ଗିରଫ କରାଯାଇଛି। ଗଞ୍ଜେଇ ଓ ଗାଡିକୁ ଜବତ କରାଯାଇ ଏକ ମାମଲା ରୁଜୁ ହୋଇଛି। ଅଭିଯୁକ୍ତମାନଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି ବୋଲି ଅବକାରୀ ବିଭାଗ ପକ୍ଷରୁ ସୁଚନା ଦିଆଯାଇଛି।
Popular Categories
Previous article
Next article