ସମଗ୍ର ଭାରତବର୍ଷରେ ଜାନୁଆରୀ ୨୬ତାରିଖ ଦିନ ସାଧାରଣତନ୍ତ୍ର ଦିବସ ପାଳନ କରାଯାଏ। ଏହି ଦିନ ଭାରତରେ ସମ୍ବିଧାନ ପ୍ରଣୟନ କରାଯାଇଥିଲା। ଏହି ଦିନଟି ଆମ ଭାରତ ଇତିହାସରେ ସର୍ବଦା ଅବସ୍ମରଣୀୟ ହୋଇ ରହିବ।
ଜାନୁଆରୀ ୨୬ତାରିଖରେ ସମ୍ବିଧାନର ଗୁରୁତ୍ବ :
ଜାନୁଆରୀ ୨୬ତାରିଖରେ ସମ୍ବିଧାନ କାର୍ୟ୍ୟକାରୀ କରାଯାଇଥିଲା କାରଣ, ଏହି ଦିନ ଭାରତୀୟ ରାଷ୍ଟ୍ରୀୟ କଂଗ୍ରେସ ଭାରତକୁ ପୂର୍ଣ୍ଣ ସ୍ବରାଜ ବୋଲି ଘୋଷଣା କରିଥିଲେ। ଜାନୁଆରୀ ୨୬ତାରିଖ ଗଣତନ୍ତ୍ର ଦିବସରେ ଭାରତର ରାଷ୍ଟ୍ରପତିଙ୍କ ଦ୍ବାରା ଜାତୀୟ ପତାକା ଉତ୍ତୋଳନ କରାଯାଇଥିଲା। ଏଥିପାଇଁ ପ୍ରତିବର୍ଷ ଏକ ବିଶାଳ ପ୍ୟାରେଡ ନୂଆଦିଲ୍ଲୀରେ ଅନୁଷ୍ଠିତ ହୋଇଥାଏ। ପ୍ୟାରେଡ ଇଣ୍ଡିଆ ଗେଟ ଠାରୁ ରାଷ୍ଟ୍ରପତି ଭବନ ପର୍ୟ୍ୟନ୍ତ କରାଯାଇଥାଏ। ପ୍ୟାରେଡରେ ଭାରତୀୟ ସେନା, ନୌସେନା, ବାୟୁସେନା ଓ ବିଭିନ୍ନ ସ୍କୁଲ, କଲେଜର ଛାତ୍ରଛାତ୍ରୀମାନେ ଭାଗ ନେଇଥାଆନ୍ତି।
ଏପରି ହୋଇଥାଏ ପ୍ୟାରେଡ :
ପ୍ୟାରେଡର ପ୍ରାରମ୍ଭରେ ପ୍ରଧାନମନ୍ତ୍ରୀ ନୂଆଦିଲ୍ଲୀ ସ୍ଥିତ ଇଣ୍ଡିଆ ଗେଟ ନିକଟରେ ଥିବା ଅମର ଯବାନଙ୍କ ଜ୍ୟୋତିରେ ପୁଷ୍ପମାଲ୍ୟ ଅର୍ପଣ କରିଥାଆନ୍ତି। ତାହା ପରେ ସହିଦ ସୈନିକଙ୍କ ସ୍ମୃତିରେ ୨ମିନିଟ ନିରବ ପ୍ରାର୍ଥନା କରିଥାଆନ୍ତି। ଏହାପରେ ପ୍ରଧାନମନ୍ତ୍ରୀ ରାଜପଥରେ ହୋଇଥିବା ମଞ୍ଚ ନିକଟକୁ ଆସି ଥାଆନ୍ତି। ରାଷ୍ଟ୍ରପତି ମୁଖ୍ୟ ଅତିଥିମାନଙ୍କ ସହ ଆସନ୍ତି। ପ୍ୟାରେଡରେ ବିଭିନ୍ନ ରାଜ୍ୟର ପ୍ରଦର୍ଶନୀ କରାଯାଇଥାଏ। ପ୍ରଦର୍ଶନୀରେ ପ୍ରତି ରାଜ୍ୟର ଲୋକମାନଙ୍କ ବିଶେଷତା, ଲୋକଗୀତ ଓ ନୃତ୍ୟ, କଳାର ପ୍ରଦର୍ଶନ କରାଯାଇଥାଏ।
ଆଲେଖ୍ୟ –ପ୍ରଜ୍ଞାସିନୀ ମଲ୍ଲିକ
