ନୂଆଦିଲ୍ଲୀ: ପ୍ରଧାନମନ୍ତ୍ରୀ ପୋଷଣ ଯୋଜନାରେ ଛାତ୍ରଛାତ୍ରୀଙ୍କୁ ବିଦ୍ୟାଳୟରେ ମଧ୍ୟାହ୍ନଭୋଜନ ବାବଦ ଖର୍ଚ୍ଚ ବଢାଇଛନ୍ତି ସରକାର। ପୂର୍ବରୁ ଶିଶୁ ଦିବସରେ ୧ ଟଙ୍କା ବଢାଯାଇ ଥିବାବେଳେ ଏବେ ପୁନର୍ବାର ବୃଦ୍ଧି କରାଯାଇଛି। ଆଜିଠୁ ଏହା ଲାଗୁ କରାଯିବାକୁ ପିଏମ୍ ପୋଷଣ ରାଜ୍ୟ ପ୍ରକଳ୍ପ ନିର୍ଦେଶକ ରଘୁରାମ ଆର ଆୟାର ଏନେଇ ସମସ୍ତ ଜିଲାପାଳଙ୍କୁ ଚିଠି ଲେଖିଛନ୍ତି। ପ୍ରଥମରୁ ପଞ୍ଚମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ମଧ୍ୟାହ୍ନ ଭୋଜନ ବାବଦ ଖର୍ଚ୍ଚ ୫ ଟଙ୍କା ୯୦ ପଇସା ଥିବାବେଳେ ଏବେ ଏହାକୁ ୭ଟଙ୍କା ୬୪ ପଇସା କରାଯାଇଛି। ଅନୁରୂପ ଭାବେ ଷଷ୍ଠରୁ ଅଷ୍ଟମ ଛାତ୍ରଛାତ୍ରୀଙ୍କ ପାଇଁ ମଧ୍ୟାହ୍ନ ଭୋଜନ ଖର୍ଚ୍ଚ ୧୦ ଟଙ୍କା ୯୪ ପଇସା କରାଯାଇଛି। ପୂର୍ବରୁ ଷଷ୍ଠରୁ ଅଷ୍ଟମ ଛାତ୍ରଛାତ୍ରୀଙ୍କ ପାଇଁ ମଧ୍ୟାହ୍ନ ଭୋଜନ ଖର୍ଚ୍ଚ ୮ ଟଙ୍କା ୮୨ ପଇସା ମିଳୁଥିଲା। ଏହାକୁ ଡିସେମ୍ବର ପହିଲାଠାରୁ ଅର୍ଥାତ ଆଜିଠୁ କାର୍ଯ୍ୟକାରୀ କରିବାକୁ ସମସ୍ତ ଜିଲାପାଳଙ୍କୁ ନିର୍ଦେଶ ଦିଆଯାଇଛି। ପୂର୍ବରୁ ଚଳିତ ମାସ ୧୪ ତାରିଖରେ ରାଜ୍ୟ ସରକାର ମଧ୍ୟାହ୍ନଭୋଜନ ବାବଦ ଖର୍ଚ୍ଚ ରାଶିକୁ ୧ ଟଙ୍କା ବଢାଯାଇଛି। ଏବେ ପୁନର୍ବାର ପ୍ରଧାନମନ୍ତ୍ରୀ ପୋଷଣ ଯୋଜନାରେ ମଧ୍ୟାହ୍ନ ଭୋଜନ ଖର୍ଚ୍ଚ ବଢ଼ାଇଛନ୍ତି କେନ୍ଦ୍ର ସରକାର। ରାଜ୍ୟର ପ୍ରାୟ ୫୦ ହଜାର ବିଦ୍ୟାଳୟରେ ୪୦ ଲକ୍ଷରୁ ଊର୍ଦ୍ଧ୍ବ ଛାତ୍ରଛାତ୍ରୀ ମଧ୍ୟାହ୍ନଭୋଜନ ଖାଉଛନ୍ତି।
Comments are closed.