ସମାଜ ଡିଜିଟାଲ ଡେସ୍କ: ବଲିଉଡ ଷ୍ଟାର ସନ୍ନି ଦେଓଲଙ୍କ ଆଜି ଜନ୍ମଦିନ। ପ୍ରଶଂସକ ଓ ନିଜର ଲୋକମାନେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଜନ୍ମଦିନ ଅବସରରେ ପ୍ରଶଂସକଙ୍କୁ ସନ୍ନି ବଡ ଉପହାର ଦେଇଛନ୍ତି। ନିଜର ଅପକମିଂ ଫିଲ୍ମ ‘ଜାଟ୍’ର ପୋଷ୍ଟର ଇନଷ୍ଟାଗ୍ରାମ ଆକାଉଣ୍ଟରେ ରିଲିଜ କରିଛନ୍ତି ସନ୍ନି। ପୋଷ୍ଟରରେ ସନ୍ନି ଦେଓଲ ଦମଦାର ଲୁକରେ ନଜର ଆସିଛନ୍ତି। ପୂର୍ବରୁ ‘ଗଦର’ ଫିଲ୍ମରେ ଟିୱେଲ୍ ଉପାଡି ମାରପିଟ କରୁଥିବା ଦେଖିବାକୁ ମିଳିଥିବା ବେଳେ ବର୍ତ୍ତମାନ ‘ଜାଟ୍’ ଫିଲ୍ମରେ ସେ ପଙ୍ଖା ଉପାଡିବାର ଦୃଶ୍ୟ ଦେଖିବାକୁ ମିଳିବ। ପୋଷ୍ଟରରେ ଦେଖିବାକୁ ମିଳିଛି ଯେ ସନ୍ନି ପ୍ରବଳ ରାଗି ଥିବା ବେଳେ ତାଙ୍କ ହାତରେ ଏକ ବଡ ସିଲିଂ ଫ୍ୟାନ୍ ରହିଛି। ଲାଗୁଛି ଯେମିତି ସେ କାହାକୁ ମାରିବା ପାଇଁ ଏହି ଫ୍ୟାନ୍ କୁ ଉପାଡି ଆଣିଛନ୍ତି। ଏହା ଫିଲ୍ମର ଏକ ଦମଦାର ଦୃଶ୍ୟ ହୋଇପାରେ। ଫିଲ୍ମର ପୋଷ୍ଟର ରିଲିଜ ହେବା ପରେ ପ୍ରଶଂସକମାନେ ଏହାକୁ ଦେଖି କହିଛନ୍ତି ଯେ ସନ୍ନିଙ୍କୁ ପୁଣି ଥରେ ଆକ୍ସନ ଭୂମିକାରେ ଦେଖିବାକୁ ମିଳିବ। ୨୦୨୫ ସାଧାରଣତନ୍ତ୍ର ଦିବସ ଅବସରରେ ଫିଲ୍ମଟି ରିଲିଜ ହେବାର ଅଛି। ଖୁବଶୀଘ୍ର ଏ ସଂକ୍ରାନ୍ତରେ ଆନୁଷ୍ଠାନିକ ଘୋଷଣା ହେବ ବୋଲି ଆଶା କରାଯାଉଛି।
View this post on Instagram
Comments are closed.