ବାଣପୁର : କାର ସହ ମୋଟର ସାଇକେଲର ମୁହାଁମୁହିଁ ଧକ୍କା ହେବାରୁ ଘଟଣାସ୍ଥଳରେ ଦୁଇ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଦୁଇ ଜଣ ହେଉଛନ୍ତି ବାଣପୁର ବ୍ଳକ ତୋରସିଂହ ପଞ୍ଚାୟତ ଅନ୍ତର୍ଗତ ପଞ୍ଚୁଗାଁ ଗ୍ରାମର ଅଶୋକ ପ୍ରଧାନଙ୍କ ପୁଅ ସୈାମ୍ୟ ରଞ୍ଜନ ପ୍ରଧାନ ଓ ରସାନନ୍ଦ ମହାପାତ୍ରଙ୍କର ପୁଅ ଲକି ମହାପାତ୍ର । ମଙ୍ଗଳବାର ସୈାମ୍ୟ ଓ ଲକି ଏକ ମୋଟର ସାଇକେଲ ଯୋଗେ କାକଟପୁର ଯାଇଥିଲେ । ଅପରାହ୍ନ ପ୍ରାୟ ୪ଟାରେ ଗୋପ ଥାନା ନୟାହାଟ ଫାଣ୍ଡି ନିକଟରେ ସମ୍ମୁଖରୁ ଆସୁଥିବା ଏକ କାର ସେମାନଙ୍କ ମୋଟର ସାଇକେଲକୁ ଧକ୍କା ଦେଇଥିଲା । ଫଳରେ ଉଭୟ ରାସ୍ତାରେ ଛିଟିକି ପଡି ଚେତା ଶୂନ୍ୟ ହୋଇପଡିଥିଲେ । ସ୍ଥାନୀୟ ପଥଚାରୀ ଉଭୟଙ୍କୁ ନିକଟସ୍ଥ ଚାରିଛକ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ସେତେବେଳକୁ ସେମାନଙ୍କର ମୃତ୍ୟୁ ହୋଇଯାଇଥିଲା । ଖବର ପାଇ ଗୋପ ପୁଲିସ ଉଭୟ ଗାଡି ଦୁଇଟି ଜବତ କରି ଘଟଣାର ତଦନ୍ତ ଚଳାଇଛି ।
Popular Categories
Previous article
Next article