ସମାଜ ଡିଜିଟାଲ ଡେସ୍କ: ଦିଲ୍ଲୀ ବିଶ୍ଵବିଦ୍ୟାଳୟର ଗୁରୁ ତେଗ ବାହାଦୁର ଖାଲସା ମହାବିଦ୍ୟାଳୟରେ ଛାତ୍ର ସଂଘର୍ଷ ଘଟିଛି। ଦୁଇ ଛାତ୍ର ଗୋଷ୍ଠୀ ମଧ୍ୟରେ ପ୍ରବଳ ଗଣ୍ଡଗୋଳ ଘଟିଛି। ଆସନ୍ତା ୨୭ ତାରିଖରେ ବିଶ୍ଵବିଦ୍ୟାଳୟ ଛାତ୍ର ସଂସଦ ନିର୍ବାଚନ ହେବାକୁ ଥିବାବେଳେ ଏହାର ୪ ଦିନ ପୂର୍ବରୁ ଛାତ୍ର ସଂଘର୍ଷ ଘଟିଥିବାରୁ ଏହାକୁ ନେଇ ଅଶାନ୍ତ ବାତାବରଣ ଲାଗି ରହିଛି। ଛାତ୍ର ଗୋଷ୍ଠୀ ମଧ୍ୟରେ ଘଟିଥିବା ମାରପିଟ ଦୃଶ୍ୟର ଏକ ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି।
ଭିଡିଓରେ ଦେଖିବାକୁ ମିଳିଛି ଯେ, ପଗଡ଼ି ପିନ୍ଧିଥିବା ପାଭିତ ଗୁଜରାଲ ନାମକ ଜଣେ ଛାତ୍ରଙ୍କୁ ହଠାତ୍ କିଛି ଛାତ୍ର ଘୋଷାଣି ଆଣି ନିସ୍ତୁକ ମାଡ଼ ମାରୁଛନ୍ତି। ଛାତ୍ର ଜଣକର ପଗଡ଼ି ତଳେ ଖସିପଡ଼ିଛି। ସେ ଛାତ୍ର ସଂସଦ ନିର୍ବାଚନରେ ପ୍ରାର୍ଥୀ ହୋଇଛନ୍ତି। ଏ ନେଇ ଥାନାରେ ଅଭିଯୋଗ କରାଯାଇଛି। ଏହି ଘଟଣା ପରେ ଖାଲସା କଲେଜ ଅଧ୍ୟକ୍ଷ ଗୁରାମହିନ୍ଦର ସିଂହ ବିଶ୍ଵବିଦ୍ୟାଳୟକୁ ଚିଠି ଲେଖି ଛାତ୍ର ସଂସଦ ନିର୍ବାଚନ ସ୍ଥଗିତ ରଖାଯିବ ବୋଲି ଜଣାଇଛନ୍ତି। ଏହାକୁ ନେଇ ମହାବିଦ୍ୟାଳୟ କ୍ୟାମ୍ପସରେ ଅନ୍ୟ ଛାତ୍ର ଗୋଷ୍ଠୀ ପ୍ରତିବାଦ କରିଛନ୍ତି। ଛାତ୍ର ସଂସଦ ନିର୍ବାଚନ କରାଇବାକୁ ସେମାନେ ଦାବି କରିଛନ୍ତି।
#दिल्ली के गुरु तेग बहादुर सिंह खालसा कॉलेज में चुनाव प्रचार के दौरान हंगामा छात्रों के बीच जमकर हुई मारपीट वीडियो वायरल @DelhiPolice @DcpNorthDelhi pic.twitter.com/Ixrw8QEfzm
— Ali Sharar. 🇮🇳علی شرر (@AliSharar3) September 23, 2024
