ଭବାନୀପାଟଣା: ଲାଞ୍ଜିଗଡ ବେଦାନ୍ତ ପ୍ରକଳ୍ପରେ କାର୍ଯ୍ୟରତ ଆଇଜାକ କମ୍ପାନୀରେ କାର୍ଯ୍ୟ କରୁଥିବା ସମୟରେ ବିଷାକ୍ତ ପୋକ କାମୁଡିବାରୁ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ଅଭିଯୋଗ ହେଇଛି। ମୃତକ ନର୍ଲା ଥାନା ବୁରାଟ ଗାଁର ଚୂଡ଼ାମଣି ସାହୁ (୨୮) ବୋଲି ଜଣାପଡିଛି। ବିଷାକ୍ତ ପୋକ କାମୁଡାରେ ମୃତ ଚୁଡାମଣିକୁ ପ୍ରବଳ ଜ୍ୱର ହେବାରୁ ପ୍ରଥମେ ସ୍ଥାନୀୟ ଡାକ୍ତରଖାନା ଏବଂ ପରେ ବିଷମକଟକ ଡ଼ାକ୍ତରଖାନାରେ ଭର୍ତ୍ତି କରାଯଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ମୃତ ଶ୍ରମିକଙ୍କ ପରିବାରକୁ କ୍ଷତିପୂରଣ ଦାବିରେ ବେଦାନ୍ତ ମୁଖ୍ୟ ଫାଟକ ଆଗରେ ମୃତଦେହ ରଖି ସମ୍ପର୍କୀୟ ମାନେ ଫାଟକ ଅବରୋଧ କରିଛନ୍ତି। ଫଳରେ କମ୍ପାନୀ ଭିତରକୁ ଯାତାୟାତ ବାଧାପ୍ରାପ୍ତ ହେଇଛି। ଖବର ଲେଖାଯିବା ଯାଏଁ ଅବରୋଧ ଜାରି ରହିଥିଲା।
Popular Categories
Previous article
Next article