ଭୁବନେଶ୍ଵର: ସ୍ଵାମୀ ଲକ୍ଷ୍ମଣାନନ୍ଦ ସରସ୍ଵତୀଙ୍କ ହତ୍ୟାକାଣ୍ଡକୁ ପୂରିଛି ୧୬ ବର୍ଷ । ଆଜି କନ୍ଧମାଳ ଜିଲ୍ଲା ଜଳେଶପଟ୍ଟା ଆଶ୍ରମରେ ପାଳିତ ହେବ ସ୍ଵାମୀ ଲକ୍ଷ୍ମଣାନନ୍ଦ ସରସ୍ଵତୀଙ୍କ ଶ୍ରଦ୍ଧାଞ୍ଜଳୀ ସଭା। ୨୦୦୮ ମସିହା ଅଗଷ୍ଟ ୨୩ ତାରିଖ ଜନ୍ମାଷ୍ଟମୀ ଦିନ ଜଳେଶପଟ୍ଟା ଆଶ୍ରମରେ ସ୍ଵାମୀ ଲକ୍ଷ୍ମଣାନନ୍ଦ ସରସ୍ଵତୀ ଏବଂ ତାଙ୍କ ୪ ସହଯୋଗୀଙ୍କୁ ହତ୍ୟା କରାଯାଇଥିଲା। ଜନ୍ମାଷ୍ଟମୀ ପାଳନ ସମୟରେ ସ୍ଵାମୀଜୀଙ୍କ ସହ ୪ଜଣ ଅନ୍ତେଃବାସୀ ଦୁର୍ବୁତ୍ତଙ୍କ ଗୁଳିରେ ପ୍ରାଣ ହରାଇଥିଲେ। ଏହି ଅବସରରେ ଆଜି ରାଜଧାନୀ ଭୁବନେଶ୍ଵରରେ ଗଣଦୌଡ ଆୟୋଜିତ ହୋଇଛି। ଭୁବନେଶ୍ଵର ୟୁନିଟ୍-୩ ପ୍ରଦର୍ଶନୀ ପଡିଆଠାରୁ ମାଷ୍ଟର କାଣ୍ଟିନ୍, ଅଶୋକନଗର, ମାଷ୍ଟରକାଣ୍ଟିନ୍ ହୋଇ ପୁଣି ପ୍ରଦର୍ଶନୀ ପଡିଆ ଯାଏଁ ଗଣଦୌଡ ଆୟୋଜିତ ହୋଇଛି। ସ୍ଵାମୀ ଲକ୍ଷ୍ମଣାନନ୍ଦ ସରସ୍ଵତୀଙ୍କ ସ୍ମୃତି ଚାରଣ ନିମନ୍ତେ ଗଠିତ ସ୍ମୃତି ନ୍ୟାସ ଏହି ଗଣଦୌଡର ଆୟୋଜନ ହୋଇଛି। ଏଥିରେ ୫ ହଜାରରୁ ଅଧିକ ଯୁବକ ଯୁବତୀ ଭାଗ ନେଉଛନ୍ତି।
Comments are closed.