ପିପିଲି : ମୋଦୀ ସରକାରଙ୍କ ଶ୍ରମିକ କର୍ମଚାରୀ ମାରଣନୀତିକୁ ବିରୋଧ କରି କେନ୍ଦ୍ରୀୟ ଟ୍ରେଡ୍ ୟୁନିୟନ ଗୁଡିକ ପକ୍ଷରୁ ଦୁଇଦିନିଆ ସର୍ବଭାରତୀୟ ଧର୍ମଘଟ ଓ ବନ୍ଦ ଡାକରା ଦିଆଯିବା ପରିପ୍ରେକ୍ଷୀରେ ପିପିଲିରେ ଧର୍ମଘଟର ପ୍ରଭାବ ପଡିଥିଲା। ବିଭିନ୍ନ ବ୍ୟବସାୟ ପ୍ରତିଷ୍ଠାନ, ସିନେମା ହଲ, ଦୋକାନବଜାର ଆଦି ବନ୍ଦ ରହିଥିବା ବେଳେ ବିଭିନ୍ନ ରାଷ୍ଟ୍ରାୟତ ବ୍ୟାଙ୍କ ଗୁଡିକ ମଧ୍ୟ ବନ୍ଦ ରହିଥିବା ପରିଲକ୍ଷିତ ହୋଇଥିଲା। ସିପିଆଇ(ଏମ୍ଏଲ୍) ଲିବରେସନ ଓ ଏଆଇସିଟିୟୁ ପକ୍ଷରୁ ଶ୍ରମିକ ନେତା ସର୍ବେଶ୍ୱର ଭାରତୀ, ଜୟନ୍ତ ଦାଶ, ରାଜକିଶୋର ଶତପଥି, ମନ୍ଦାକିନୀ ସେଠୀ ଓ କାହ୍ନୁଚରଣ ବେହେରାଙ୍କ ନେତୃତ୍ୱରେ ୩୦ରୁ ଉର୍ଦ୍ଧ ବାଇକ୍ରେ ବିକ୍ଷୋଭକାରୀ ମାନେ ପିପିଲି ବ୍ଳକର ବିଭିନ୍ନ ବଜାର ପରିକ୍ରମା କରିବା ସହ ମୋଦୀ ବିରୋଧି ସ୍ଲୋଗାନ ଦେଇଥିଲେ। ଭୁବନେଶ୍ୱର-ପୁରୀ ଜାତୀୟ ରାଜପଥ ପିପିଲି ବାଇପାସ ରାସ୍ତାର ତରାକାଜ ଛକ ଠାରେ ଜାତୀୟ ରାଜପଥ ଅବରୋଧ କରାଯାଇ ନାରାବାଜି ଦିଆଯାଇଥିଲା।
Popular Categories
Previous article
Next article