କେନ୍ଦୁଝରଗଡ଼: ସଦର ଥାନା କଣ୍ଡରାପଶି ପଞ୍ଚାୟତ ଧନୁର୍ଜୟପୁର ଗ୍ରାମରେ ଟ୍ରେନ ଆଗକୁ ଡେଇଁ ପ୍ରେମୀ ଯୁଗଳ ଆତ୍ମହତ୍ୟା କରିଛନ୍ତି। ଏହା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି। ଧନୁର୍ଜୟପୁର ଗ୍ରାମର ଗୌରାଙ୍ଗ ନାଏକଙ୍କ ପୁଅ ବୁଲେଟ(୨୨)ଙ୍କ ମୟୁରଭଞ୍ଜ ଜିଲା ଘାଗରବେଡା ଥାନା ଅଧିନ ନନ୍ଦପୁର ଗ୍ରାମର ଜଣେ ୩୫ ବର୍ଷୀୟା ବିଧବାଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲା। ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ବୃଦ୍ଧି ପାଇ ଆସିଥିବାବେଳେ ଉଭୟ ପରସ୍ପର ବାନ୍ଧି ହୋଇ ମଙ୍ଗଳବାର ବିଳମ୍ବିତ ରାତିରେ ଘର ନିକଟସ୍ଥ ରେଳ ଧାରଣାକୁ ଯାଇ ସେଠାରେ କେନ୍ଦୁଝର ପଟୁ ନୟାଗଡ଼ ଅଭିମୁଖେ ଯାଉଥିବା ଏକ ମାଲବାହୀ ଟ୍ରେନ୍ ସମ୍ମୁଖକୁ ଡେଇଁ ଆତ୍ମହତ୍ୟା କରିଛନ୍ତି। ଯାଜପୁର ରେଳବାଇ ପୁଲିସ ରାତି ପ୍ରାୟ ୩ଟାରେ ଖବର ପାଇ ବୁଧବାର ସକାଳେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। ପୁଲିସ ପକ୍ଷରୁ ଉଭୟ ମୃତଦେହକୁ ଜବତ କରି ବ୍ୟବଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିବାବେଳେ ଅପମୃତ୍ୟୁ ମାମଲା ରୁଜୁ କରାଯାଇ ଘଟଣାର ଅଧିକ ତଦନ୍ତ ଜାରି ରହିଥିବା ଯାଜପୁର ରେଳବାଇ ପୁଲିସ ଅଧିକାରୀ ସୁଶାନ୍ତ କୁମାର ସେଠୀ କହିଛନ୍ତି।
Comments are closed.