ବାସୁଦେବପୁର: ଦିନକୁ ଦିନ ଘରୋଇ ଅର୍ଥଲଗାଣକାରୀ ସଂସ୍ଥାର ଦୈାରାତ୍ମ ବଢିବାରେ ଲାଗିଛି । ଆଜି ଜଣେ ମହିଳା ଋଣଭାର ସୁଝି ନପାରି ଆତ୍ମହତ୍ୟା କରିଥିବା ଖବର ସମଗ୍ର ଅଞ୍ଚଳରେ ହଇଚଇ ସୃଷ୍ଟି କରିଛି । ମିଳିଥିବା ସୂଚନା ମୁତାବକ , ବାସୁଦେବପୁର ଥାନା ଅଧିନ ସୁଗୋ ପଞ୍ଚାୟତ କାଞ୍ଜିଖିଆ ଗାଁର ମୁକ୍ତିକାନ୍ତ ରାଉତଙ୍କ ସ୍ତ୍ରୀ ଅନୀତା ରାଉତ ସୂର୍ଯୋଦୋୟ ନାମକ ଅର୍ଥ ଲଗାଣକାରୀ ସଂସ୍ଥା ନିକଟରୁ ପଚାଶ ହଜାର ଟଙ୍କା ଋଣ ଆକାରରେ ନେଇଥିଲେ । ଅର୍ଥରାଶିର ପରିଶୋଧ ବାବଦକୁ ତିନିଗୋଟି କିସ୍ତି ଦେଇସାରିଥିବାବେଳେ ସୋମବାର କିସ୍ତି ବାବଦକୁ ଅର୍ଥରାଶି ପୈଠ କରିବାର ଥିଲା । ଅଭାବ ଅନାଟନ କାରଣରୁ ଅର୍ଥରାଶି ପୈଠ କରିପାରିନଥିଲେ । ସୋମବାର ରାତିରେ ଅର୍ଥ ଲଗାଣକାରୀ ସଂସ୍ଥା ନିକଟରୁ ଅର୍ଥ ରାଶି ପୈଠ ବାବଦକୁ ଫୋନକଲ ଆସିବା ପରେ ମାନସିକ ଭାରସାମ୍ୟ ହରାଇ ବସିଥିଲେ ଅନୀତା । ଶେଷରେ ଗୋରୁ ଗୁହାଳରେ ରଶି ଲଗାଇ ଆତ୍ମହତ୍ୟା ଶେଷ ରାସ୍ତା ବୋଲି ଧରିନେଇଥିଲେ । ସକାଳ ସମୟରେ ଗୁହାଳ ଘରେ ରଶି ଲଗାଇ ଝୁଲି ପଡିଥିବା ପରିବାର ଲୋକ ଜାଣିବାକୁ ପାଇ ପୁଲିସକୁ ଜଣାଇଥିଲେ । ପୁଲିସ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି।
Comments are closed.