ମେଷ: ଯତ୍ନ, ଅଧ୍ୟବସାୟ, ଉଦ୍ୟମ ଓ ନିଜ ଶ୍ରମରେ ଅର୍ଜିତ ଧନରେ ଧନୀ ହେବେ। ଅନ୍ନପାନାଦି ସୁଖ ମିଳିବ। ଚତୁଷ୍ପଦ ଗୃହପାଳିତ ପଶୁ ଆପଣଙ୍କ ଭାଗ୍ୟୋଦୟର ମୂଳ ଉତ୍ସ ହେବ। ସୁଖ ଜୀବନ ବିତାଇବେ।
ବୃଷ: କବି, ଭାବୁକ ଓ ଲେଖକ ଭାବେ ନିଜ ସ୍ବରଚନାରେ ଭକ୍ତିଭାବ ଉଦ୍ରେକ କରାଇ ସର୍ବଲୋକାଦୃତ ହେବେ। ସରକାରଙ୍କ ସମର୍ଥକ ଓ ପ୍ରିୟପାତ୍ର ହେବେ। ବ୍ରହ୍ମ ଉପାଷକ ହେବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ।
ମିଥୁନ: ପତ୍ନୀଙ୍କ ଉଦ୍ୟମ ଓ ସହାୟତାରୁ ଧନ ପ୍ରାପ୍ତ ହେବାର ସୂଚନା ମିଳୁଛି। ସ୍ବର୍ଣ୍ଣ, ରୌପାଦି ମୂଲ୍ୟବାନ୍ ଧାତୁ ଦ୍ରବ୍ୟ ପ୍ରାପ୍ତିର ସୂଚନା ମିଳୁଛି। ପୁଣ୍ୟକର୍ମ କରି ସାଧୁମାନଙ୍କ ଆଶୀର୍ବାଦଯୁକ୍ତ ହେବେ। କର୍ମଠ ହେବେ।
କର୍କଟ: ଜଣେ ମେଧାବୀ ଓ ଡିଗ୍ରୀଧାରୀ ହୋଇପାରନ୍ତି। କ୍ଷିପ୍ର ଗତିଶୀଳ ହେବେ। ସୁକର୍ମୀଭାବେ ସିଦ୍ଧହସ୍ତ ହେବେ। ଗୁପ୍ତ ବିଦ୍ୟାଯୁକ୍ତ ହେବେ। ଗୁପ୍ତ ଧନ ପ୍ରାପ୍ତିର ସୂଚନା ମିଳୁଛି। ଶତ୍ରୁଘାତୀ ହେବେ। ସୁସ୍ଥ ରହିବେ।
ସିଂହ: ମହାବ୍ୟୟର ସମ୍ମୁଖୀନ ହୋଇପାରନ୍ତି। କୁକର୍ମକୁ ନିନ୍ଦାକରି ସୁକର୍ମାମାନଙ୍କର ପରାମର୍ଶଦାତା ହେବେ। ରାଜଧର୍ମ ପାଳନରେ ବ୍ରତୀ ହେବେ। ଚୋର ଭୟ ଥିବାରୁ ସତର୍କରେ ଚଳିବାକୁ ପଡ଼ିବ।
କନ୍ୟା:ବହୁ ଉପାୟରେ ଧନଲାଭର ସୂଚନା ମିଳୁଛି। ଅଧିକାଂଶ ସମୟ ଶାସ୍ତ୍ରାଦି ଚିନ୍ତାରେ ବିଲୀନ ହୋଇପାରନ୍ତି। ବିନୟ ଭାବାପନ୍ନ ହେବେ। ସାଧୁ ନୀତି ଅବଲମ୍ବନ କରି ଅଯାଚିତ ଧନ ପ୍ରାପ୍ତ ହେବେ।
ତୁଳା: ବାଣିଜ୍ୟ କାରବାର ଧନ ଅର୍ଜନର ମୂଳ ଉତ୍ସ ହୋଇପାରେ। ଜଣେ ଧର୍ମାତ୍ମା ଭାବେ ସର୍ବଧର୍ମ ସମନ୍ବୟ ରକ୍ଷା କରିବାରେ ପାରଙ୍ଗମ ହେବେ। କାର୍ଯ୍ୟକ୍ଷେତ୍ରରେ ଜଣେ ଉଚ୍ଚମନା ବ୍ୟକ୍ତିଭାବେ ପରିଚିତ ହେବେ।
ବିଛା: ବ୍ୟୟ ସୀମିତ କରିବାକୁ ବାଧ୍ୟ ହେବେ। ପରୋପକାରୀ ହେଲେ ବି ପ୍ରଶଂସା ମିଳି ନ ପାରେ। କାହାରି ମନରେ ଯଦିଓ ପୀଡ଼ା ନ ଦେବେ; ତଥାପି କାହାରି ମନରେ ସୁଖଦାତା ନ ହୋଇପାରନ୍ତି। କର୍ମଠ ହେବେ।
ଧନୁ: ପ୍ରତି ପାଦପାତରେ ସତର୍କ ରହିବାକୁ ପଡ଼ିବ। ସୁଚିନ୍ତିତ ମତବାଦକୁ ପ୍ରଥମେ ସହକର୍ମୀଙ୍କ ଦୃଷ୍ଟିକୁ ଆଣିବାକୁ ପଡ଼ିବ। ଯାନବାହନ ଚଳାଚଳ ଓ ଆରୋହଣରେ ସତର୍କ ରହିବାକୁ ପଡ଼ିବ। ସୁସ୍ଥ ଅନୁଭବ କରିବେ।
ମକର: ଦୁଷ୍ଟ ଦମନକାରୀ ହୋଇପାରନ୍ତି। ପରାନୁରକ୍ତ ହେବାର ସୂଚନା ମିଳୁଛି। ସଦାସର୍ବଦା ସଂଗ୍ରାମୀ ମନୋବୃତ୍ତିର ହେବାର ସୂଚନା ମିଳୁଛି। ଜଣେ ଦାମ୍ଭିକ ବ୍ୟକ୍ତିଭାବେ କୌଣସି ପରିସ୍ଥିତିରେ ନତମସ୍ତକ ହେବେ ନାହିଁ।
କୁମ୍ଭ:ଧନ ଆହରଣ ହେତୁ ଶତ୍ରୁତା ବୃଦ୍ଧି ହେବାର ସୂଚନା ମିଳୁଛି। ସଂସାର ମୁଖ୍ୟଙ୍କ ବିରାଗଭାଜନ ହେବାର ଦୁର୍ଯୋଗ ଉପୁଜିପାରେ। ଜଳାଶୟ ପାଇଁ ଶତ୍ରୁତା ଉପୁଜିବାର ସମ୍ଭାବନା ରହିଛି। ଭୂମି ଲାଭ କରିପାରନ୍ତି।
ମୀନ: ପୁତ୍ରମାନେ ପତ୍ନୀପ୍ରିୟ ହୋଇପାରନ୍ତି। ଯାହାଫଳରେ ପିତାମାତାଙ୍କ ବିରାଗଭାଜନ ହୋଇପାରନ୍ତି। ଅସୁସ୍ଥତାର ସମ୍ମୁଖୀନ ହେବେ। ପତ୍ନୀଙ୍କ ବଶତା ସ୍ବୀକାର କରି ଭୋଗ ବିଳାସରେ ଦିନଟି ଅତିବାହିତ କରିବେ।
Comments are closed.