ଠାକୁରମୁଣ୍ଡା: ଶିମିଳିପାଳ ବଣ୍ୟପ୍ରାଣୀ ଡିଭିଜନ(ଉତ୍ତର) ଯଶିପୁର ଆନୁକୂଲ୍ୟରେ ଅନ୍ତର୍ଜାତୀୟ ବ୍ୟାଘ୍ର ଦିବସ ୨୦୨୪ରେ ଶିମିଳିପାଳ ପାଇଁ ଏକ ଦୌଡ଼ ଅବସରରେ ମିନି ମାରାଥନ ଅନୁଷ୍ଠିତ ହୋଇଯାଇଛି। ଶିମିଳିପାଳର ରାଜକୁମାରୀ ଖଇରୀ ପ୍ରତିମୂର୍ତ୍ତିରେ ମାଲ୍ୟାର୍ପଣ ପରେ ଖଇରୀ ନିବାସଠାରୁ ଗୋଇଲି ଶିବ ମନ୍ଦିର ଏବଂ ଡେପୁଟି ଡାଇରେକ୍ଟର ଶିମିଳିପାଳ ଉତ୍ତର ଡିଭିଜନ କାର୍ଯ୍ୟାଳୟକୁ ପ୍ରତ୍ୟାବର୍ତ୍ତନ କରିଥିଲେ। ସମୁଦାୟ ୫ କିମି ଦୌଡ଼ରେ ଛାତ୍ରଛାତ୍ରୀ, ସରକାରୀ ଅଧିକାରୀ, ଗଣମାଧ୍ୟମ ପ୍ରତିନିଧି ଏବଂ ସାଧାରଣ ଲୋକ ସାମିଲ ହୋଇଥିଲେ। ମିନି ମାରାଥନ ପରେ ଡିଡିଙ୍କ କାର୍ଯ୍ୟାଳୟ ପରିସରରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଜଙ୍ଗଲ, ପରିବେଶ ଓ ଜୀବ ଜନ୍ତୁ ସଂରକ୍ଷଣ ପାଇଁ ସର୍ବସାଧାରଣଙ୍କ ମଧ୍ୟରେ ବ୍ୟାପକ ସଚେତନତା ପାଇଁ ଅତିଥିମାନେ ବାର୍ତ୍ତା ରଖିଥିଲେ।
Comments are closed.