ନୂଆଦିଲ୍ଲୀ: ମହାରାଷ୍ଟ୍ରର ବିଭିନ୍ନ ଜିଲ୍ଲାରେ ଲାଗିରହିଛି ଲଗାଣ ବର୍ଷା। ମୁମ୍ବାଇ, ପୁଣେ , ପାଲଘର ସମେତ ବିଭିନ୍ନ ଅଞ୍ଚଳରେ ପ୍ରବଳ ବର୍ଷା ହୋଇଛି। ଗତ ୪୮ ଘଣ୍ଟାରେ ହୋଇଥିବା ପ୍ରବଳ ବର୍ଷାରେ ରାସ୍ତାଘାଟ ବୁଡିଯାଇଛି। ଲୋକଙ୍କ ଘରେ ମଧ୍ୟ ଅଣ୍ଟାଏ ଅଣ୍ଟାଏ ପାଣି ଜମି ରହିଛି। ଯାହାଫଳରେ ଜନଜୀବନ ପ୍ରଭାବିତ ହେବା ସହ ଗମନାଗମନରେ ସମସ୍ୟା ଉପୁଜିଛି। ପାଲଘର ଅଞ୍ଚଳରେ ପ୍ରବଳ ବର୍ଷା ଯୋଗୁଁ ସ୍କୁଲ ଓ କଲେଜ ବନ୍ଦ ରଖିଛି ପ୍ରଶାସନ। ସେପଟେ ମୁମ୍ବାଇର ଅନ୍ଧେରୀ ଏବଂ ଚିମ୍ବୁର ଅଞ୍ଚଳରେ ପାଣି ଜମିଛି। ପ୍ରବଳ ବର୍ଷା ଯୋଗୁଁ କଡକଭାସଲ ଡ୍ୟାମ୍ ଖୋଲା ଯାଇଥିବାରୁ ତଳମୁଣ୍ଡର ମୋଲମଥା ନଦୀ ବିପଦ ସଂକେତ ଉପରେ ପ୍ରବାହିତ ହେଉଛି। ଡ୍ୟାମରୁ ଏବେ ସେକେଣ୍ଡକୁ ୧୦ ହଜାର କ୍ୟୁସେକ୍ ଜଳ ନିଷ୍କାସନ କରାଯାଉଛି। ଅନ୍ୟପଟେ ମୁଲାମଥା ନଦୀ ବିପଦ ସଂକେତ ଉପରେ ପ୍ରବାହିତ ହେଉଥିବାରୁ ସହର ତଳି ଅଞ୍ଚଳରେ ଲୋକଙ୍କୁ ସତର୍କ ରହିବାକୁ କୁହାଯାଇଛି।
ମହାରାଷ୍ଟ୍ରର ବିଭିନ୍ନ ଜିଲ୍ଲାରେ ଅବିଶ୍ରାନ୍ତ ବର୍ଷା: ବୁଡିଲା ରାସ୍ତାଘାଟ, ଘରେ ଜମିଲା ପାଣି
Popular Categories
Previous article
Next article