ବାସୁଦେବପୁର: ମାଫିଆଙ୍କ ଟେର ପାଉନି ପୋଲିସ । ଏବେ ଚୋରା କୋଇଲା ସହିତ ଚୋରାବାଲି ଓ ଚୋରା ଆଇରନ କାରବାର ସାଜିଛି କେତେଜଣ ମାଫିଆଙ୍କ ବ୍ୟବସାୟ । ପୁଲିସ ପ୍ରଶାସନ, ତହସିଲଦାର ଓ ଖଣିବିଭାଗକୁ ଚକମା ଦେଇ ବେଧଡକ ଭାବରେ ଏହି କାରବାର ବୃଦ୍ଧି ପାଇବାରେ ଲାଗିଛି । ମାଫିଆମାନଙ୍କ ଦୈାରାତ୍ମ ଏତେ ପରିମାଣରେ ବଢିଯାଇଛି ଯେ, ସେମାନଙ୍କ କାରବାର ଉପରେ ନଜର ରଖିବା ଦୂରର କଥା ସହର ମଧ୍ୟରେ ଦ୍ରୁତ ଗତିରେ ଗାଡିଚାଳନା ଆଣିଦେଉଛି ଅଜଣା ଭୟ । ବେପରୁଆ ଅଧିକାରୀଙ୍କ ପାଇଁ କାରବାର ବେଶ ସୁରୁଖୁରରେ ଚାଲି ଆସୁଛି । ତେବେ ଆଜି ନାଇକାଣିଡିହ ପୋଲିସ ଚଢାଉ କରି ଚୋରା କୋଇଲା ଜବତ କରିଛି । ମିଳିଥିବା ସୂଚନା ମୁତାବକ, ରାଜଘରପୋଖରୀ ପଞ୍ଚାୟତର ରାସ୍ତା ପାର୍ଶ୍ବରେ ଚୋରା କୋଇଲା ମହଜୁଦ ଥିବାକୁ ନେଇ ଅଚାନକ ଚଢାଉ କରିଥିଲା । ଚଢାଉ ସମୟରେ କୋଇଲା ମାଫିଆଙ୍କୁ ଧରିବାରେ ସକ୍ଷମ ହୋଇପାରିନଥିବା ବେଳେ ଜବତ କୋଇଲାକୁ ଥାନାକୁ ନେଇଆସିଥିବା ଥାନାଧିକାରୀ ସାଲଖାନ ମୁର୍ମୁ କହିଛନ୍ତି ।
Popular Categories
Previous article
Next article