ବାଉଁଶୁଣୀ: ବୌଦ୍ଧ ଜିଲ୍ଲା ବାଉଁଶୁଣୀ ମା ମାହେଶ୍ବରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଏନ୍ ଏସ ଏସ୍ କୋ-ୟୁନିଟ, ଶ୍ରୀ ସତ୍ୟସାଇ ସେବା କେନ୍ଦ୍ର ବୌଦ୍ଧର ମିଳିତ ଆନୁକୁଲ୍ୟରେ “ମା ପାଇଁ ଗଛଟିଏ” ନାରା ସହିତ ବନ ମହୋତ୍ସବ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଛାତ୍ର ଛାତ୍ରୀ, ସ୍ୱେଚ୍ଛାସେବୀ, ଶିକ୍ଷକ ଓ କର୍ମରରୀ ତଥା ଶ୍ରୀ ସତ୍ୟସାଇ ସେବାକେନ୍ଦ୍ରର କର୍ମକର୍ତା ଏଥିରେ ସାମିଲ ହୋଇ ଶହେଟି ଚାରା ରୋପଣ କରି ଜଳ ସିଞ୍ଚନ କରିଥିଲେ। ବୃକ୍ଷ ରୋପଣ କାର୍ୟ୍ୟକ୍ରମକୁ ଏନ୍.ଏସ୍.ଏସ୍.ର ପ୍ରୋଗ୍ରାମ ଅଫିସର ଡକ୍ଟର ଉମାକାନ୍ତ ବିଶ୍ବାଳ ପ୍ରତ୍ୟକ୍ଷ ରୂପେ ସଞ୍ଚାଳନ କରିଥିଲେ। ବୃକ୍ଷରୋପଣ ପରେ ପରେ ବିଦ୍ୟାଳୟର ଅଧ୍ୟକ୍ଷ ମାନଭଞ୍ଜନ ତ୍ରିପାଠୀଙ୍କ ଅଧ୍ୟକ୍ଷତାରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା। ଏଥିରେ ପ୍ରାଣୀ ଚିକିତ୍ସକ ତଥା ସତ୍ୟସାଇ ସେବାକେନ୍ଦ୍ରର ସଭାପତି ଡକ୍ଟର ପ୍ରିୟବ୍ରତ ବେହେରା ଛାତ୍ର ଛାତ୍ରୀମାନଙ୍କୁ ବୃକ୍ଷର ଆବଶ୍ୟକତା ଓ ରକ୍ଷଣାବେକ୍ଷଣ ଉପରେ ଏକ ସାରଗର୍ଭକ ତଥା ଉପାଦେୟ ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ନିଜସ୍ଵ ମତ ପ୍ରଦାନ କରିଥିଲେ। ଡକ୍ଟର ଉମାକାନ୍ତ ବିଶ୍ଵାଳ ସଭା ପରିଚାଳନା କରିଥିଲେ ଏବଂ ଶ୍ରୀସତ୍ୟସାଇ ସେବାକେନ୍ଦ୍ରକୁ ଧନ୍ୟବାଦ ଦେଇ ଥିଲେ।
Comments are closed.