ପିଲାଙ୍କ ଉପରେ ପିତା ମାତାଙ୍କ କୌଣସି ଅଧିକାର ନାହିଁ: ଜାଣନ୍ତୁ କାହିଁକି ଏମିତି କହିଲେ କୋଟିପତି ମାଲିକାଣି ସୁଧା ମୂର୍ତ୍ତୀ
![](https://samajalive.in/wp-content/uploads/2024/06/WhatsApp-Image-2024-06-08-at-12.51.09-PM-750x430.jpeg)
ସମାଜ ଡିଜିଟାଲ ଡେସ୍କ: ଇନଫୋସିସ୍ ପ୍ରତିଷ୍ଠାତା ନାରାୟଣ ମୁର୍ତ୍ତୀଙ୍କ ପତ୍ନୀ ସୁଧା ମୁର୍ତ୍ତୀ କେବଳ ଜଣେ ସମାଜ ସେବୀ ନୁହଁନ୍ତି ବରଂ ଜଣେ ମାତା ମଧ୍ୟ। ଲୋକଙ୍କୁ ଜୀବନରେ ଆଗକୁ ବଢିବାରେ ସେ ଅନେକଙ୍କୁ ପ୍ରେରଣା ଦେବା ସହିତ ପିଲାମାନଙ୍କୁ ଭଲ ଭାବରେ ମଣିଷ ପରି ଗଢି ତୋଳିବାକୁ ପିତାମାତାଙ୍କୁ ଉପାୟ ବତାଇଥାନ୍ତି। ଏକ ଶୋରେ ସାକ୍ଷାତକାର ଅବସରରେ ସୁଧା କହିଛନ୍ତି ଯେ ପିତା ମାତା ହେବା ଏକ ବଡ ଦାୟିତ୍ୱ। ହେଲେ ଏଥିରେ ବହୁତ ଖୁସି ଓ ଆନନ୍ଦ ମଧ୍ୟ ମିଳିଥାଏ। ନିଜର ପିଲାମାନଙ୍କୁ ଛୋଟ ବେଳୁ ବଡ ହେବାର ଦେଖିବା, ସ୍କୁଲ ଯିବା ଦେଖିବା, ପିଲାଙ୍କ ପ୍ରଶ୍ନର ଉତ୍ତର ଦେବା, ଏବଂ ଶେଷରେ ପିଲାଟି ବଡ ହେବାର ଯେଉଁସବୁ ସମୟ ପୁରା ଆନନ୍ଦଦାୟକ ହୋଇଥାଏ। ସୁଧା କହିଛନ୍ତି ଯେ ବାପା ମାଙ୍କ କାମ କେବଳ ପିଲାଙ୍କୁ ମଣିଷ କରିବା ଏବଂ ଭବିଷ୍ୟତ ଗଢିବ। ଏହା ବଦଳରେ ତାଙ୍କଠାରୁ କିଛି ଆଶା କରିବା କଥା ନୁହେଁ।
ସୁଧା ଆହୁରି ମଧ୍ୟ କହିଛନ୍ତି ଯଦି ଆପଣ ଭାବୁଛନ୍ତି ଯେ ନିଜର ପିଲା ପଛରେ ଆପଣ ଅନେକ ଖର୍ଚ୍ଚ କରୁଛନ୍ତି ଏବଂ ଏହା ବଦଳରେ ଆପଣଙ୍କ ବୃଦ୍ଧାବସ୍ଥାରେ ସେ ଆପଣଙ୍କୁ ତାହା ଫେରାଇବ ଦେବ ଏହା ଭୁଲ। ଆପଣ ନିଜର ଖୁସି ପାଇଁ ଗୋଟିଏ ସନ୍ତାନ ଜନ୍ମ ଦେଇଛନ୍ତି। ଏହା ଇଶ୍ୱରଙ୍କ ମୂଲ୍ୟବାନ ଉପହାର। ଯଦି ତୁମେ ଜାଣିଛ ତୁମେ ପିତାମାତା ଭାବରେ କଣ କରିବା ଉଚିତ ଏବଂ କଣ କରିବା ଉଚିତ ନୁହେଁ ତେବେ ତୁମେ ସୁନ୍ଦର ଯାତ୍ରାକୁ ଉପଭୋଗ କରିବାକୁ ସମର୍ଥ ହେବ।
Comments are closed.